ជាការពិតណាស់ អ្វីដែលយើងឃើញជាក់ស្ដែងក្នុងសង្គមសព្វថ្ងៃនេះគឺ មនុស្សមួយចំនួនធំពុំមានអ្វីទេ តែពូកែអួត សម្ញែង ចេះតែបង្ហាញចង់ឱ្យអ្នកដទៃឃើញថាខ្លួនមានរបស់ល្អៗ មានសម្ភារៈនិយម មានលុយ ព្រោះតែខ្លាចគេថាខ្លួនអន់ ខ្លាចគេថាអត់ ប៉ុន្តែអ្នកមានពិតប្រាកដ គេអត់ចេះអួតបង្ហាញអ្វីដែលគេមានទេ អ្នកមានទ្រព្យច្រើន តែងតែដាក់ខ្លួន ធ្វើខ្លួនសាមញ្ញៗ មិនថាគេមានប៉ុនណាក៏មិនបញ្ចេញឱ្យអ្នកដទៃឃើញដែរ នេះទើបគេហៅថា ជាអ្នកមានពិតប្រាកដ។

១) អ្នកមានពូកែដាក់ខ្លួន ៖ អ្នកមានតែងតែជាមនុស្សដែលមានកម្លាំងពីខាងក្នុងខ្លាំង។ ពេលនោះគេមិនចាំបាច់បង្អួតទៀតទេ ព្រោះក្នុងចិត្តគេមានទំនុកចិត្ត គ្រប់ពេលចាំបាច់ គេអាចដោះអាវអ្នកក្រក្លែងក្លាយនោះចេញ ដើម្បីក្លាយជាអ្នកមានដែលគ្រប់គ្នាខ្លាច។ អ្នកមានដឹងថាវាមិនងាយស្រួលទេក្នុងការរកលុយ ហើយមានមនុស្សជាច្រើននៅជុំវិញពួកគេ ដែលចង់ប្រៀបធៀបទ្រព្យសម្បត្តិជាមួយពួកគេ។ ដូច្នេះពួកគេកាន់តែសាមញ្ញ ធ្វើពុតជាអត់ ដើម្បីចៀសវាងបញ្ហា ចៀសវាងការមើល ដើម្បីធានាភាពឯកជនផ្ទាល់ខ្លួន។

អ្នកមានយល់ពីតម្លៃនៃភាពឯកជន និងសេរីភាព ហើយពួកគេត្រូវការវាដើម្បីសម្រាកបន្ទាប់ពីការអស់កម្លាំងនៃការរកលុយ។ ដូច្នេះ ទង្វើដែលគេធ្វើខ្លួនជាអ្នកក្រ គឺមិនបង្អួតតាមបណ្ដាញសង្គម មិនបង្អួតពេលទំនេរ ដើរលេង ផឹកស៊ីសប្បាយអត់ប្រយោជន៍នោះឡើយ។ នោះគឺជាការការពារសុវត្ថិភាពរបស់ពួកគេ វិធីលាក់ខ្លួននេះពិតជាអស្ចារ្យ និងសំខាន់ណាស់។ នៅពេលដែលអ្នកទទួលបានការយកចិត្តទុកដាក់ខ្លាំងពេក អ្នកពិតជាត្រូវការភាពឯកជន អ្នកត្រូវតែមានសុវត្ថិភាព។ អ្នកមានគឺឆ្លាតគ្រប់គ្រាន់ដើម្បីដឹងថា ត្រូវធ្វើអ្វីដើម្បីរក្សាសុវត្ថិភាពខ្លួនឯង ហើយក៏មិនចាំបាច់អួតសម្ញែងអ្វីដែរ។

ពេលអ្នកមានគេក៏ងាយស្តីបន្ទោសចំពោះរឿងនេះ ឬទំនួលខុសត្រូវនោះដែរ ដូចជាហេតុអ្វីមិនធ្វើការងារសប្បុរសធម៌ ហេតុអ្វីមិនជួយញាតិសន្តាន... ពេលពួកគេមានគេក៏ដឹងថាទំនាក់ទំនងជុំវិញ ពួកគេមិនអាចដឹងទុកជាមុនបាន ហើយវាពិបាកក្នុងការវិនិច្ឆ័យថាតើពួកគេក្លែងក្លាយប៉ុណ្ណា។ ដូច្នេះហើយមនុស្សកុំអួតខ្លួនជាមធ្យោបាយដើម្បីសុវត្ថិភាព និងចៀសវាងការអាម៉ាស់។ ការគិតរបស់អ្នកមាន និងអ្នកក្រ គឺពិតជាខុសគ្នាច្រើនយ៉ាង ដូច្នេះការពន្យល់គឺគ្មានន័យទេ ការគ្រាន់តែនិយាយគឺរឹតតែគ្មានន័យ ដូច្នេះគួរតែកុំបង្អួត។

អ្នកមានយល់ពីតម្លៃនៃការរក្សាទ្រព្យសម្បត្តិរបស់ពួកគេឱ្យនៅឆ្ងាយពីភ្នែកសាធារណៈ។ ពួកគេភាគច្រើនចាត់ទុកទ្រព្យសម្បត្តិជាតួនាទីសង្គម ដូច្នេះពួកគេមិនអួតថាវាជារឿងផ្ទាល់ខ្លួនទេ ពួកគេធ្វើសកម្មភាពសង្គមដោយស្ងប់ស្ងាត់។ អ្នកមានយល់ថា នៅពេលដែលអ្នកដទៃដឹងថាខ្លួនជាអ្នកមាន ពួកគេនឹងប្រព្រឹត្តចំពោះពួកគេខុសពីអ្នកផ្សេង ហើយនោះជាអ្វីដែលពួកគេមិនចង់បាន។ ជាងនេះទៅទៀត អ្នកមានពិតប្រាកដ គឺជាអ្នកដែលចេះប្រើប្រាស់លុយដោយប្រាជ្ញា ហើយនោះក៏ជារបៀបដែលពួកគេចង់ប្រាប់អ្នកដទៃថា ពួកគេគួរតែប្រើប្រាស់លុយដោយភាពឆ្លាតវៃ។ កុំទុកកូនឱ្យពឹងលើលុយ កុំឱ្យអ្នកដទៃយកប្រយោជន៍ពីអ្នក ហើយតាមទ្រអ្នក កុំបង្វែរខ្លួនអ្នកទៅជាឈ្លើយរបស់គំនិតអាក្រក់។

២) ហេតុអ្វីបានជាអ្នកមានធ្វើពុតជាអ្នកក្រ? មិនមែនទាំងអស់ទេ ប៉ុន្តែអ្នកក្រជាច្រើនព្យាយាមធ្វើពុតជាអ្នកមានជាងអ្វីដែលខ្លួនគេមាន។ នោះគឺដោយសារតែភាពអន់ខ្សោយ ខ្លាចគេវិនិច្ឆ័យដោយលុយ។ អ្នកក្រក៏តែងតែគិតថា ខ្លួនត្រូវបង្ហាញថាខ្លួនមានលុយ ដើម្បីទៅរកអ្នកមានជាង ដើម្បីមានឱកាសកាន់តែប្រសើរ ជាពិសេសឱកាសសម្រាប់កូនៗ។ ជាងនេះទៅទៀត មនុស្សគ្រប់រូបក្នុងជីវិតមានតម្រូវការក្នុងការទទួលស្គាល់ និងបង្ហាញពីខ្លួនឯង។ ដូច្នេះហើយ អ្នកក្រដែលខ្សោយខាងក្នុង ត្រូវបង្ហាញរូបរាង ដើម្បីបិទបាំងភាពទន់ខ្សោយរបស់ខ្លួន ហើយរំពឹងថានឹងមានការទទួលស្គាល់ពីអ្នកដទៃ ដើម្បីពង្រឹងការគោរពខ្លួនឯង។

គេថាមនុស្សចូលចិត្តខ្ពស់គ្មានអ្នកណាទៅទាបទេ។ ដូច្នេះអ្នកក្រព្យាយាមបង្ហាញទ្រព្យសម្បត្តិដើម្បីទាក់ទាញអ្នកដទៃ ដើម្បីទទួលបានការគោរពពីអ្នកដទៃ។ ប៉ុន្តែតាមការពិត ការធ្វើពុតជាអ្នកមាន ជារឿយៗត្រូវបានលាតត្រដាងដោយភាពមិនច្បាស់លាស់។ ដូច្នេះហើយ មនុស្សដែលមានអនាគតដ៏សម្បូរបែប ច្រើនតែមានចិត្តស្មោះ ហើយខិតខំប្រឹងប្រែងកែលម្អភាពវៃឆ្លាត និងទំនាក់ទំនងប្រកបដោយគុណភាព ជាជាងធ្វើពុតជាអ្នកមានក្លែងក្លាយ៕