នៅថ្ងៃទី១១ ខែមិថុនា ឆ្នាំ២០២៥ វេលាម៉ោង១៥និង០០នាទី កម្លាំងជំនាញបានពិនិត្យឃើញរថយន្តសាំយ៉ុងចំនួន ០៨គ្រឿង ដឹកត្រីក្លាសេប្រភេទ (ត្រីពោនិងត្រីកាប) នាំចូលពីប្រទេសថៃ មកក្នុងភូមិសាស្រ្តតាមផ្លូវជាតិលេខ៥ ចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។ ក្រោយឃាត់បាន ត្រីក្លាសេចំនួន ២៤តោនសមត្ថកិច្ចបាននាំមកកាន់ស្នងការដ្ឋានធ្វើការសាកសួរ ហើយលទ្ធផលនៃការសាកសួរបានដឹងថា រថយន្តទាំង០៨គ្រឿងដែលដឹកត្រីនេះមានលិខិតអនុញ្ញាតឱ្យដឹកត្រីពីរដ្ឋបាលជលផល នៃក្រសួងកសិកម្មរុក្ខាប្រម៉ាញ់និងនេសាទចំនួនតែ ១០តោនតែប៉ុណ្ណោះ ដូច្នេះត្រីក្លាសេចំនួន ១៤តោន ទៀតមិនមានការអនុញ្ញាតនោះទេ។ ស្របតាមអនុសាសន៍របស់ឯកឧត្តម កែវ សុជាតិ ព្រះ រាជអាជ្ញាអមសាលាដំបូងខេត្តបាត់ដំបង រថយន្តនិងត្រីក្លាសេទាំងនេះសមត្ថកិច្ចបានបញ្ជូនទៅជំនាញជលផល នៃមន្ទីរកសិកម្មរុក្ខាប្រម៉ាញ់និងនេសាទដេីម្បីអនុវត្តបន្តតាមនីតិវិធីផងដែរ៕