កាលពីខែកញ្ញា កន្លងទៅយើងបានឃើញវត្តមានរថយន្តថ្មីស្រឡាងមួយមកពីក្រុមហ៊ុនដ៏ល្បីនៅអាល្លឺម៉ង់នោះគឺ Mercedes Benz S Class ដែលត្រូវបានគេស្គាល់ថាជារថយន្ត Sedan លំដាប់កំពូលមួយរបស់ Mercedes ហើយនៅប៉ុន្មានម៉ោងមុននេះមាន Channel ល្បីៗរបស់ប្រទេសនានា កំពុងទាញយករថយន្តមួយទៀតនៅក្នុងត្រកូល S Class មកធ្វើប្រធានបទ ហើយវាក៏ជាការទន្ទឹងរងចាំរបស់យើងទាំងអស់គ្នាផងដែរ។ ក្រៅពី S Class ធម្មតារបស់ Mercedes Benz យើងក៏ចង់ឃើញទៀតនោះគឺ V12 របស់វាដែលពីមុនយើងស្គាល់ថា Mercedes Maybach S650។ 

សម្រាប់ឆ្នាំថ្មីនេះវិញគឺវាបានចេញមកជា 3ជម្រើសគឺ៖

• ទី1 S580 ម៉ាស៊ីន 4.0L Biturbo V8 ផលិតបានកម្លាំងសេះ 482hp និង 516lb⋅ft នៃ Torque
• ទី2 S650 ម៉ាស៊ីន 6.0L Biturbo V12 ផលិតបានកម្លាំងសេះ 621hp និង 738lb⋅ft នៃ Torque
• និងទី3 S680 ម៉ាស៊ីន 6.0L Biturbo V12 ផលិតបានកម្លាំងសេះ 621hp និង 738lb⋅ft នៃ Torque ដែលជម្រើសទី3នេះផលិតសម្រាប់ទីផ្សារប្រទេសចិនតែប៉ុណ្ណោះ។

(បញ្ជាក់: នៅមានជម្រើសម៉ាស៊ីន Plug-in Hybrid ដែលផលិតសម្រាប់តំរូវទីផ្សារក្នុងប្រទេសមួយចំនួនដែលខ្ញុំមិនបានលើកមក)

ខ្ញុំនៅមិនទាន់អស់ចិត្តនៅឡើយទេ ការរងចាំរបស់ខ្ញុំបានមកដល់មួយកំរិតហើយ ខ្ញុំនៅតែរងចាំមើលរថយន្តលំដាប់ខ្ពស់ជាងនេះមួយទៀតនៅក្នុងត្រកូល S នេះដដែល នោះគឺ Mercedes-AMG S63 នឹង S65។

ប្រសិនបើអ្នកចូលចិត្តស្នាដៃរបស់ខ្ញុំ អ្នកអាចតាមដានព័ត៌មាននៅក្នុង TNAOT បាននឹងអាចតាមខ្ញុំក្នុង Facebook នឹង Channel Youtube ឈ្មោះ TAY AUTO សូមអរគុណ

Facebook.com/TayAutoCambodia