តារាកូរ៉េ: តារាចម្រៀងលំដាប់កំពូល Seohyun គឺជាតារាស្រីមួយរូប ដែលមានទេពកោសល្យទាំងផ្នែករាំ ច្រៀង និងការសម្តែងរឿងភាគ ក្នុងនោះដែរ កញ្ញា ក៏បានចូលប្រឡូកក្នុងវិស័យសិល្បៈកូរ៉េ អស់រយៈពេលជាង ១៣ឆ្នាំមកហើយ។

ជាមួយគ្នានោះដែរ កញ្ញាក៏ជាតារាស្រីមួយរូប ដែលមិនធ្លាប់មានរឿងអាស្រូវចចាមអារ៉ាមណាមួយ ពាក់ព័ទ្ធនឹងសម្ព័ន្ធភាពស្នេហាជាមួយបុរសណាម្នាក់ នោះទេ។ ហើយទាំងអស់នេះដែរ ក៏ជាចម្ងល់សម្រាប់អ្នកគាំទ្រជាច្រើនរបស់កញ្ញា មិនថាក្នុង ឬក្រៅប្រទេសនោះទេ ព្រោះថា កញ្ញា គឺមានមុខមាត់ស្រស់ស្អាត ព្រមទាំងរូបរាងដ៏ស្រឡូនពីធម្មជាតិ មិនចាញ់តារាសិល្បៈករផ្សេងៗ នោះទេ។ 

យ៉ាងណាមិញ ជាមួូយនឹងចម្ងល់មួយនេះ កាលពីពេលម្សិលមិញនេះ កញ្ញា ក៏បានចេញមុខបកស្រាយនៅក្នុងកម្មវិធី Section TV ថា កញ្ញា នឹងយល់ព្រមមានមិត្តប្រុស នៅពេលដែលកញ្ញាចាកចេញពីវិស័យសិល្បៈ ព្រោះថា សព្វថ្ងៃនេះ កញ្ញាមានការងារមមាញឹកជាច្រើន។ ហើយ វាក៏ជាមូលហេតុនាំឲ្យកញ្ញាចង់ប្រមូលស្មារតី ទៅលើការងារច្រើនជាងរឿងផ្ទាល់ខ្លួន។

ទស្សនាកម្រងរូបភាពរបស់កញ្ញាទាំងអស់គ្នា: