កីឡា ៖ Real Madrid បានវាយបកយកឈ្នះលើក្រុមម្ចាស់ផ្ទះ Real Valladolid ដោយលទ្ធផល៤-១ ក្នុងក្របខ័ណ្ឌ La Liga កាលពីយប់មិញប៉ុន្តែគ្រូបង្វឹកលោក Santiago Solari និយាយថា មិនច្បាស់ពីអនាគតខ្លួន។

៤គ្រាប់របស់ Real រកបានដោយកិឡាករ Raphael Varane នាទីទី ៣៤ Karim Benzema នាទីទី ៥១និង៥៩ និងគ្រាចុងក្រោយដោយកីឡាករ Luka Modric។ចំណែក១គ្រាបរបស់ក្រុមម្ចាស់ផ្ទះ Valladolid រកបានដោយកីឡាករ Anuar នាទីទី២៩។

Real បានទទួលជ័យជម្នះត្រឹមតែ២លើកប៉ុណ្ណោះក្នុងចំណោមការប្រកួត ៦ លើកចុងក្រោយរបស់ពួកគេ ដោយតាមពីក្រោយក្រុមកំពូលតារាង Barcelona ចំនួន១២ពិន្ទុ។

ក្រោយចប់ការប្រកួត អ្នកសារព័ត៌មានសួរថា តើលោកអាចរក្សាការងារជាអចិន្ត្រៃនៅក្នុងខែវិច្ឆិកានេះឬយ៉ាងណា។លោក Solari បាននិយាយថាលោកមិនអាចឆ្លើយសំណួរនេះបានទេ៕