ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានជួបពិភាក្សា លោក Du TianQiao  នាយកប្រតិបត្តិសមាគមន៍សហប្រតិបត្តិការធុរៈកិច្ច និងពាណិជ្ជកម្មអន្តរជាតិចិន ថ្ងៃទី០១ ខែកុម្ភៈ ឆ្នាំ២០២៣ ដើម្បីផ្លាស់់ប្តូរយោបល់សំដៅជំរុញលំហូរទេសចរចិន-កម្ពុជា ពិសេសដើម្បីជំរុញ និងទាក់ទាញទេសចរចិន ឲ្យបានមួយលាននាក់នៅឆ្នាំ២០២៣នេះ។ 

បើតាមការគ្រោងទុក ភាគីទាំំងពីរនឹងសហការគ្នាត្រៀមរៀបចំព្រឹត្តការណ៍ទេសចរណ៍  វប្បធម៌ និងកីឡាដូចជា ព្រឹត្តិការណ៍ម៉ារ៉ាតុង វាយកូនហ្គោល ជាពិសេសការសម្តែងក្បាច់គុណសៅលិញរបស់សាកលវិទ្យាល័យសៅលិញ រួមជាមួយ ក្បាច់គុនល្បុក្កតោរបស់កម្ពុជា(ដែលត្រូវបានដាក់បញ្ចូលក្នុងបញ្ជីតំណាងបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ កាលពីថ្ងៃទី២៩ ខែវិច្ឆិកា ឆ្នាំ២០២២) នៅមុនព្រឹត្តិការណ៍ SEA Games លើកទី៣២ នៅរាជធានីភ្នំពេញផងដែរ។

លើសពីនេះ ភាគីទាំងពីរក៏ត្រៀមរៀបចំវេទិកាធុរៈកិច្ចនិងវិនិយោគទេសចរណ៍កម្ពុជា-ចិន និងរៀបចំព្រឹត្តការណ៍តន្ត្រីកម្ពុជា-ចិន ដែលមានតារាល្បីៗរបស់ចិន និងកម្ពុជាចូលរួម ដែលអាចទាក់ទាញទេសចរចិនមកទស្សនា។

សូមបញ្ជាក់ថា ការដឹកជញ្ជូនអ្នកដំណើរ តាមផ្លូវអាកាសរវាង​កម្ពុជា និងចិន នឹង​វិលមកភាពប្រក្រតីឡើងវិញ ក្នុងរង្វង់៣០% ទៅ៤០% បើធៀបទៅមុនវិបត្តិជំងឺកូវីដ-១៩ ឬឆ្នាំ២០១៩ ចាប់ពីដើមខែកុម្ភៈ ឆ្នាំ២០២៣នេះតទៅ បន្ទាប់ពីចិនបើកប្រទេសឡើងវិញ។ ការស្ទុះងើបឡើងវិញនៃចរាចរណ៍តាមផ្លូវអាកាសសម្រាប់ប្រទេសកម្ពុជា នឹងអាចកើតឡើងស្មើនឹងឆ្នាំ២០១៩ គឺនៅចុងឆ្នាំ២០២៤ ឬដើមឆ្នាំ២០២៥ ស្របទៅតាមនិន្នាការនៃការស្ទុះងើបឡើងវិញ របស់ពិភពលោក ប្រសិនបើគ្មានអ្វីប្រែប្រួលនោះទេ។ នេះបើតាម​លោក ស៊ីន ចាន់សិរីវុត្ថា មន្ត្រីជាន់ខ្ពស់អាកាសចរស៉ីវិល។ 

លោកអ្នកអាចស្វែងទិញ លក់ ជួលអចលនទ្រព្យ​ជាង៦មុឺន តាមរយៈគេហទំព័រ ឬកម្មវិធីក្នុងទូរស័ព្ទ របស់ Harbor Property​ ដោយសេរីនិងឥតគិតថ្លៃ៕

អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ៖

Hotline: 096 7876 902 (Telegram)/ 066 886 633

WeChat: HB066886633