-យកអំពិលទុំមកបកសំបកចេញ សំដិលថ្ងៃ រួចយកមកប្រលេះគ្រាប់ចេញឲ្យស្អាត
-យកគ្រាប់អំពិលទៅហាលសំដិលថ្ងៃ ១ ទៅ ២ថ្ងៃ បន្ទាប់មកយកគ្រាប់អំពិលមកផ្អាប់មួយ យប់ ទើបយកគ្រាប់អំពិលទៅបណ្ដុះ

-កាប់ដីហាលថ្ងៃរយៈពេល ២ទៅ៣ថ្ងៃ
-បន្ទាប់មកយកលាមកសត្វមកច្របល់ជាមួយដីឲ្យសព្វ ជ្រុំដីលើកជារងរួចយកគ្រាប់ទៅកប់ដាំ និងលុបដីស្ដើងៗពីលើ និងកុំឲ្យញឹកពេក បន្ទាប់គឺ យកដីលុបពីលើឲ្យជិត

-ស្រោចទឹកពីលើឲ្យជោគមួយថ្ងៃម្ដងទៅពីរដង តាមលក្ខណៈ អាកាសធាតុ ក្រោយពីបណ្ដុះកូនបានរយៈពេលពី ៤ទៅ៥ថ្ងៃគ្រាប់នឹងដុះពន្លកចេញសន្លឹក ២
-ក្រោយពីកូនអំពិលដុះបានអាយុ ១០ថ្ងៃឡើងទៅ គឺអាចចាប់ផ្ដើមកាត់ស្លឹកយកមកបរិភោគបាន

-ការប្រមូលផលត្រូវធ្វើឡើងដោយប្រើកន្ត្រៃ មិនត្រូវយកដៃបេះទេ ពីព្រោះកូនអំពិល នៅតូចងាយនឹងរលើងគល់ផុតពីដី និងអាចបណ្ដាលឲ្យងាប់ដើម និងអាចប្រឈមនឹងការកើត មេរោគផ្សិតក៏មាន

*ចំណាំបើសិនកូនអំពិលមានអាយុចាប់ពី ៣០ថ្ងៃឡើង គឺការប្រមូល ផលអាចប្រើដៃក៏បាន មិនមានបញ្ហាដល់ការលូតលាស់ឡើយ