តើអ្នកគិតថា អ្នកមិនកំពុងធ្វើអ្វីមួយ សំរាប់ខ្លួនអ្នក ព្រោះអ្នកមិនបានកំណត់ គោលដៅរបស់អ្នក មែនឬទេ? ផ្នែកមួយដែលធ្វើឱ្យមនុស្សទទួលជោគជ័យ គឺ សមត្ថភាពអាចកំណត់នូវអ្វីដែលគេចង់សំរេចគោលបំណងហើយ និង គោលដៅដែល បានសរសេរទុក ដែលពួកគេអាចយកមកមើលឡើងវិញជាញឹកញាប់ គោលដៅ រយៈពេលវែងរបស់អ្នកគួរតែជះឥទ្ធិពលលើសកម្មភាពរាល់ ថ្ងៃរបស់អ្នក រួចហើយ សកម្មភាពនេះ ត្រូវបានដាក់បញ្ចូលទៅក្នុងតារាងត្រូវធ្វើរបស់អ្នក ។

ប្រសិនបើអ្នក នៅតែមានសំណួរចំពោះខ្លួនឯងថា "តើអ្វីទៅដែលសំខាន់សំរាប់ពេលវេលារបស់អ្នក ក្នុងពេលឥឡូវនេះ ?” វានឹងជួយអោយអ្នកផ្តោតការយកចិត្តទុកដាក់ទៅលើការងារ សំខាន់របស់អ្នក និងបញ្ចប់ប្រតិកម្មទៅលើការងារដែលហាក់បីដូចជាមានភាពត្រូវ ការជាបន្ទាន់ ប៉ុន្តែមិនមានសារៈសំខាន់ចំពោះគោលដៅទៅមុខរបស់អ្នកឡើយ... ។ មនុស្សជាច្រើនដឹងថាពួកគេចង់បានអ្វី ប៉ុន្តែគ្មានផែនការសំរាប់យកអោយបានទេ គ្រាន់តែធ្វើការងារអោយបានច្រើនតែប៉ុណ្ណោះ ។ ផែនការប្រចាំឆ្នាំរបស់អ្នកត្រូវយក មកពិនិត្យឡើងវិញរាល់ថ្ងៃ និង កំណត់សារជាថ្មី ពេលដែលអ្នកបានទទួលនូវអ្វីដែល អ្នកចង់បាន មនុស្សដែលទទួលជោគជ័យបន្តការធ្វើតារាងការងាររបស់គេគ្រប់ ពេល វាធ្វើអោយពួកគេអាចកំណត់អាទិភាព និង ងាយស្រួលក្នុងការផ្លាស់ប្តូរ អាទិភាពនៃការងារទាំងនោះ ។ អ្នកអាចអនុវត្តន៍ចំពោះ ការងារផ្ទាល់ខ្លួន ឬ គោលដៅ មុខជំនួញរបស់អ្នក ។ បញ្ហាតែងតែកើតឡើង ហើយតំលៃនៃផែនការល្អ គឺការកំណត់នូវបញ្ហាអោយបានឆាប់បំផុត និង ស្វែងរកដំណោះស្រាយ ។ គ្រប់គ្រងពេលវេលាល្អ អាចឱ្យអ្នកវាស់វែងការវិវឌ្ឍន៍ទៅកាន់គោលដៅរបស់អ្នក ពីព្រោះ "អ្វីដែលអ្នកអាច វាស់វែងបាន នោះអ្នកអាចគ្រប់គ្រងវាបាន” ។ ខិតខំចាប់ផ្ដើមអ្វីមួយគ្រប់ពេល ។