ថ្មីៗនេះមានលេចលឺព័ត៍មានមួយស្តីអំពីថៃផ្តល់កន្លែងស្នាក់នៅសម្រាប់អត្តពលិក និងប្រតិភូកីឡាទាំងអស់ដែលចូលរួម ស៊ីហ្គេមលើកទី33 ឆ្នាំ2025នៅប្រទេសថៃ គឺនៅតាមសណ្តាគារ និង សកលវិទ្យាល័យ ប៉ុន្តែពួកគេមិនមានការសាងសង់ភូមិកីឡាដូចកម្ពុជាកាលធ្វើជាម្ចាស់ផ្ទះស៊ីហ្គេមឆ្នាំ2023នោះទេ (នេះបើយោងតាមហ្វេសបុកផេករបស់ 31 Sport)។

ទាក់ទងទៅនឹងបញ្ហានេះដែរ យើងរង់ចំាមើលថា វាជាការពិតដូចការលើកឡើងឬអត់? ព្រោះកន្លងទៅមិនដល់មួយសប្តាហ៍ផង ក្រោយពីបិទបញ្ចប់ព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះក្នុងការរៀបចំព្រឹត្តិការណ៍កីឡាដ៏ធំមួយនេះគឺធ្វើឲ្យកក្រើកពិភពថាក្នុងនាមជាម្ចាស់ផ្ទះស៊ីហ្គេមកម្ពុជាមិនគិតលើថ្លៃចំណាយផ្សេងៗដូចជា ការស្នាក់នៅ ការការបរិភោគ ការធ្វើដំណើររបស់អត្តពលិក និងប្រតិភូផ្សេងទៀតដែលបានមកចូលរួមប្រកួត។ ការចូលរួមទស្សនាក្នុងពិធីបើក និងបិទព្រឹត្តិការណ៍ស៊ីហ្គេម, ការទស្សនាគ្រប់ប្រភេទកីឡា និងសិទ្ធផ្សព្វផ្សាយព័ត៍មានជាតិ និងអន្តរជាតិ ក៏កម្ពុជាមិនយកប្រាក់កម្រៃដែរ នេះបើយោងតាមប្រសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

បន្ថែមពីលើនេះចំពោះការស្នាក់នៅវិញកម្ពុជាក៏បានសាងសង់អគារជាភូមិកីឡា មួយដ៏ស្គឹមស្គៃ ដើម្បីអនុញ្ញាតឲ្យអត្តពលិកទាំងអស់មកពីបណ្តាលប្រទេសក្នុងតំបន់អាស៊ានទាំង ១១ប្រទេសបានស្នាក់នៅ និងហាត់សមមុនពេលចេញប្រកួតថែមទៀតផង។ ទង្វើដ៏ប្រពៃទាំងអស់នេះហើយដែលប្រទេសកម្ពុជា ជាប្រទេសទីមួយក្នុងតំបន់អាស៊ានបានរៀបចំភូមិកីឡា និងបានត្រិះរិះពិចារណាយ៉ាងល្អិតល្អន់ក្នុងការមិនយកប្រាក់កម្រៃលើការចំណាយនានារបស់អត្តពលិកកីឡា។ មិនត្រឹមតែប៉ុណ្ណោះនេះគឺជាភាពវិជ្ជមានមួយធ្វើឲ្យគេប្រសិទ្ធិនាមកម្ពុជាថាជាប្រទេសតូចតែមានបេះដូចធំទូលាយ ធ្វើឲ្យកក្រើកពិភពលោកថែមទៀតផង៕

ប្រភព៖ 31 Sport

ប្រែសម្រួល៖ Puthseyha