ភ្នំពេញ៖ យោងតាមគណៈកម្មាធិការជាតិរៀបចំការបោះឆ្នោត(គ.ជ.ប) បានឲ្យដឹងថា គណបក្សនយោបាយចំនួន ១៨ ត្រូវបានទទួលស្គាល់ជាផ្លូវការសម្រាប់ការបោះឆ្នោតនាពេលខាងមុខ។

ក្រុមប្រឹក្សាធម្មនុញ្ញកម្ពុជា (CCC) កាលពីទី២៥ បានច្រានចោលការអំពាវនាវ ដែលធ្វើឡើងដោយគណបក្សភ្លើងទៀនក្នុងការប្រឆាំងនឹងការដកសិទ្ធិរបស់ខ្លួនពីការបោះឆ្នោតសកលនៅខែកក្កដាខាងមុខ។ ការដកសិទ្ធិ​នេះ ​ត្រូវ​បាន​ធ្វើ​ឡើង​ក្នុង​កិច្ច​ប្រជុំ​មួយ​ដែល​ដឹកនាំ​ដោយ​លោក អ៊ឹម ឈុនលឹម ប្រធាន CCC ដែល​ជា​សេចក្តី​ថ្លែងការណ៍​របស់ CCC។

អគ្គលេខាធិការរង គ.ជ.ប លោក ព្រំ វិចិត្រអក្ខរ៉ា មានបាននិយាយថា «ការសម្រេចចិត្តនាពេលថ្មីៗនេះ របស់គណៈកម្មាធិការជាតិរៀបចំការបោះឆ្នោត (គ.ជ.ប) ក្នុងការដកសិទ្ធិគណបក្សភ្លើងទៀន ពីការបោះឆ្នោតនាពេលខាងមុខ គឺត្រឹមត្រូវ និងស្របតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ»។

កាលពីថ្ងៃទី១៥ ខែឧសភា គ.ជ.ប បានបដិសេធមិនចុះឈ្មោះគណបក្សភ្លើងទៀនសម្រាប់ការបោះឆ្នោតនាពេលខាងមុខ ដោយអះអាងថាគណបក្សនេះ បានខកខានក្នុងការបញ្ជូនឯកសារ ដែលបានផ្ទៀងផ្ទាត់នៃឯកសារចុះបញ្ជីគណបក្សដើមរបស់ខ្លួនទៅក្រសួងមហាផ្ទៃ។

ប្រទេសកម្ពុជា គ្រោងនឹងរៀបចំការបោះឆ្នោតទូទៅសម្រាប់រដ្ឋសភាដែលមានអាសនៈចំនួន ១២៥ នៅថ្ងៃទី ២៣ ខែកក្កដា ឆ្នាំ ២០២៣ ហើយប្រជាជនកម្ពុជាជាង ៩,៧ លាននាក់បានចុះឈ្មោះបោះឆ្នោតរបស់ពួកគេ៕សម្រួលដោយ៖ Li xiaoling