ក្រោយបញ្ចប់ការប្រកួត Miss Universe 2023 លើកទី៧២ នៅរាត្រីថ្ងៃទី ១៩ ខែ វិច្ឆិកា ឆ្នាំ២០២៣ នៅប្រទេស El Salvador កន្លងទៅ ដោយមានការប្រកួតប្រជែងយ៉ាងសកម្មពីសំណាក់បវរកញ្ញាចំនួន ៨៤ប្រទេសផ្សេងៗគ្នា បានស្វែងរកឃើញម្ចាស់មកុដ Miss Universe 2023 បានគឺកញ្ញា Sheynnis Palacios មកពី ប្រទេស Nicaragua។

បវកញ្ញារូបនេះ កើតថ្ងៃទី ៣០ ខែ ឧសភា ឆ្នាំ ២០០០ គឺជាបវកញ្ញាដំបូងគេបង្អស់ដែលមកពីប្រទេស Nicaraguan ដែលបានឈ្នះមកុដ Miss Universe។

បទពិសោធន៍នៃការប្រកួតរបស់នាងគឺធ្លាប់ចូលរួមប្រកួតបវកញ្ញាជាច្រើនកម្មវិធីទទួលបានមកុដក្នុងកម្មវិធី Miss Teen Nicaragua 2016 ,Miss World Nicaragua 2020, Miss Nicaragua 2023 និង ចុងក្រោយទទួលបានមកុដ Miss Universe 2023។

កញ្ញា Sheynnis Palacios មានអាជីពជាពិធីករក្នុងកម្មវិធីទូរទស្សន៍ និងជាអ្នកដើរម៉ូដមួយរូប ធ្លាប់មានឱកាសឡើងទៅប្រកួតលំដាប់អន្តរជាតិធំៗជាប់ក្នុង Top10 នៃកម្មវិធី Miss Teen Universe 2017 និងប្រកួត Miss World 2021 តំណាងឲ្យប្រទេសរបស់ខ្លួនបានឈានចូលទៅដល់ជាប់វគ្គពាក់កណ្តាលផ្តាច់ព្រ័ត្រចំនួន 40 នាក់ប៉ុណ្ណោះ។

បើងាកមកដឹងពីចំណេះដឹងនៃការសិក្សារបស់បវកញ្ញារូបនេះវិញ គឺនាងបានទទួលបានការអប់រំសិក្សានៅក្នុងវិទ្យាស្ថានគរុកោសល្យ La Salle Managua បន្ទាប់មកនាងបានចូលរៀននៅសកលវិទ្យាល័យ Central American ដោយបានបញ្ចប់ថ្នាក់បរិញ្ញាបត្រផ្នែកទំនាក់ទំនងថែមទៀតផង។ 

គួរបញ្ជាក់ផងដែលថាការប្រកួត Miss Universe 2023 បានរកឃើញម្ចាស់មកុដ កញ្ញា Sheynnis Palacios មកពីប្រទេស Nicaragua លំដាប់រងទី១ កញ្ញា Anntonia Porsild មកពីប្រទេសថៃ និងលំដាប់រងទី២ កញ្ញា Moraya Wilson មកពីប្រទេសអូស្រ្តាលី ផងដែរ៕

សម្រួលដោយ៖ Sun Darasy