TNAOT News

· 2023-11-20

រាជរដ្ឋាភិបាល ដាក់គោលដៅថ្មីប្រែចេញពីដីកសិកម្មបែបគ្រួសារទៅជាកសិកម្មបែបទំនើប

#NEW NEWS# #សម្ដេចធិបតី ហ៊ុនម៉ាណែត# #ដីកសិកម្ម# #សង្គម# #ព័ត៌មានសង្គម# #រាជរដ្ឋាភិបាល#

10016

រាជរដ្ឋាភិបាល កំពុងដាក់ទិសដៅប្រែក្លាយនិងដើរចេញពីកសិកម្មបែបគ្រួសារទៅជាកសិកម្មបែបទំនើប។ នេះជាការលើកឡើង របស់សម្ដេចមហាបវរធិបតី ហ៊ុន ម៉ាណែត ក្នុងឱកាសអញ្ជើញជាអធិបតី ក្នុងពិធីប្រកាសដាក់ឱ្យអនុវត្តជាផ្លូវការ នូវកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា។

ទាក់ទងការរកដីសម្រាប់កសិកម្មខ្នាតធំ សម្ដេចធិបតី បានយកគំរូអនុវត្តមួយចំនួនកាលពីសម្ដេចនៅជាមេទ័ព គឺយករូបមន្តរួមបញ្ចូលគ្នារវាងដីប្រជាពលរដ្ឋ និងដីគ្រួសារទ័ពដែលរាជរដ្ឋាភិបាលធ្វើសម្បទានដើម្បីដោះស្រាយបញ្ហាកង្វះដីធ្វើកសិកម្ម។

ការធ្វើដូច្នេះត្រូវបានសម្ដេចធិបតី អះអាងថា ជារឿងមួយដែលយើងដាក់ទិសដៅប្រែក្លាយ និងដើរចេញពីកសិកម្មបែបគ្រួសារទៅជាកសិកម្មបែបទំនើប និងកសិឧស្សាហកម្មទ្រង់ទ្រាយធំទាមទារឱ្យកសិករនីមួយៗដែលចូលក្នុងសហគមន៍កសិកម្មទំនើបមានផ្នត់គំនិតចង់ឱ្យសហគមន៍យើងប្រកួតប្រជែង រួមជាមួយនឹងកញ្ចប់គោលនយោបាយរួមដើម្បីតំបន់យើងក្លាយជាតំបន់មានភាពប្រកួតប្រជែង ជួយដល់សេដ្ឋកិច្ច ជួយដល់វិស័យកសិកម្ម ក្នុងការប្រកួតប្រជែង ទាំងក្នុងទាំងក្រៅ អញ្ចឹងការរៀបចំចងក្រងគ្នាសំខាន់ណាស់ ហើយការរៀបចំចងក្រងនេះគឺមានកិច្ចការសំខាន់ត្រង់ថា ពេលធានានៅខ្សែច្រវាក់ផលិតកម្មនិងខ្សែច្រវាក់ផ្គត់ផ្គង់ដោយប្រសិទ្ធភាព៕


សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស