នាព្រឹកថ្ងៃអង្គារ ទី២១ ខែវិច្ឆិកា ឆ្នាំ២០២៣នេះ កម្លាំងនរគបាលខេត្តបន្ទាយមានជ័យ បានចាត់កម្លាំងចុះការពារសណ្តាប់ធ្នាប់ជូនប្រជាពលរដ្ឋ ក្នុងការនិមន្តមកដល់របស់ព្រះអង្គ ធម្មវនវាសី ចន្ទមុនី ដើម្បីសម្តែងព្រះធម្មទេសនា ក្នុងកម្មវិធីអង្គកឋិនទានមហាសាមគ្គី ដើម្បីវេរប្រគេនព្រះសង្ឃគង់ចាំព្រះវស្សាក្នុងវត្តរតនារាមផ្សារកណ្តាលស្ថិតនៅក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ក្នុងនោះមាន កម្លាំងអន្តរាគមន៍អង្គភាពវរៈសេនាតូចនគរបាលការពារព្រំដែនគោកលេខ៨៩១ ចំនួន ៥០ នាក់ បានចុះការពាររក្សាសន្តិសុខ ព្រោះមានប្រជាពលរដ្ឋជាច្រើនរាប់រយអ្នកបានសម្រុកទៅជួប ព្រះអង្គ ធម្មវនវាសី ចន្ទមុនី នៅទីកន្លែងផ្ទាល់។

គួរបញ្ជាក់ថា ព្រះធម្មវនវាសី ចន្ទ មុនី ហៅសង្ឃធុដង្គ កំពុងផ្ទុះការចាប់អារម្មណ៍យ៉ាងខ្លាំង ពីសំណាក់ប្រជាពលរដ្ឋកម្ពុជា ដែលជាពុទ្ធបរិស័ទ្ធ អំពីប្រវត្តិបដិបត្តិធម៌នៅក្នុងព្រៃ និងការបកស្រាយព្រះធម៌យ៉ាងក្បេះក្បាយ ដល់ពុទ្ធបរិស័ទ្ធមកពីគ្រប់ទិសទី ព្រះអង្គយតែងត្រូវបាននិមិត្តទៅកាន់គេហដ្ឋានពុទ្ធបរិស័ទ្ធ មន្ត្រីតូចធំក្នុងប្រទេស ដើម្បីប្រោះព្រំសុំសេចក្តីសុខ។ ជាពិសេសព្រះអង្គ​​​ក៏ត្រូវគ្រូផ្លូវងងឹត និងអ្នកនិយមអាបិយជំនឿ ជឿថា ព្រះអង្គបានសម្រេចធម៌ និងមានរឹទ្ធបារមី ដឹងព្រឹត្តិការណ៍មុន អាច​​​ប្រាស្រ័យទាក់ទងជាមួយពួកអមនុស្ស ហើយអាចនិមន្តទៅគ្រប់ទីកន្លែងផងដែរ៕