អាជ្ញាធរ Suriname បាននិយាយថា មនុស្ស ១០ នាក់ស្លាប់ បន្ទាប់ពីអណ្តូងរ៉ែមាសខុសច្បាប់មួយកន្លែងបាក់រលំកាលពីថ្ងៃច័ន្ទ នៅក្នុងប្រទេស Suriname អាមេរិកខាងត្បូង។

ប៉ូលិស និងក្រុមជួយសង្គ្រោះបានបញ្ជូនទៅកាន់អណ្តូងរ៉ែ ដែលមានទីតាំងនៅតំបន់ជនបទ ភាគខាងត្បូងរបស់ប្រទេស។ ក្រុមមន្ត្រីបាននិយាយថា អ្នករុករករ៉ែបានសាងសង់ផ្លូវរូងក្រោមដីផ្ទាល់ខ្លួនរបស់ពួកគេ ដើម្បីស្វែងរកមាសនៅទីនោះ ដែលការសាងសង់រូងក្រោមដីបាន ក្លាយជារឿងធម្មតាទៅហើយនៅក្នុងប្រទេសនេះ។

ប៉ូលិសកំពុងបន្តស៊ើបអង្កេតរកមូលហេតុពិតប្រាកដនៃហេតុការណ៍បាក់រលំអណ្តូងរ៉ែមាសនេះផងដែរ ។ 

សូមរំលឹកផងដែរថា ប្រទេស Suriname ត្រូវបានគេស្គាល់ដោយសារប្រទេសនេះសម្បូរទៅដោយរ៉ែមាសជាច្រើន ហើយក្រុមហ៊ុនអាមេរិក និងកាណាដាបានវិនិយោគយ៉ាងច្រើនក្នុងប្រតិបត្តិការរុករករ៉ែមាស ទើបធ្វើឲ្យការជីកយករ៉ែមាសក្រៅផ្លូវការ កើនឡើងច្រើនផងដែរនៅក្នុងប៉ុន្មានឆ្នាំថ្មីៗនេះ ៕

សម្រួលអត្ថបទដោយ៖ ម៉ារីណា