សម្រាប់ព្រឹត្តិការណ៍ព័ត៌មានថ្មីៗប្រចាំថ្ងៃនេះរួមមាន៖ 

១. ធនាគារពិភពលោក ផ្តល់ប្រាក់កម្ចីចំនួន ៥០០លានដុល្លារអាម៉េរិក ដើម្បីជួយដល់ប្រទេសហ្វីលីពីន

ធនាគារពិភពលោក បានអនុម័តប្រាក់កម្ចីចំនួន ៥០០លានដុល្លារអាម៉េរិក ដើម្បីជួយដល់ប្រទេសហ្វីលីពីនក្នុងការទប់ទល់នឹងគ្រោះមហន្តរាយធម្មជាតិ និងការគំរាមកំហែងអាកាសធាតុ ដោយផ្តោតជាពិសេសទៅលើការការពារសាលារៀន គ្រឹះស្ថានសុខាភិបាល និងលំនៅដ្ឋានរបស់ប្រជាជន។

២. អាម៉េរិក ផ្ដល់ជំនួយតម្លៃ ១០០លានដុល្លារបន្ថែមទៅអ៊ុយក្រែន

រដ្ឋមន្ត្រីការពារជាតិអាម៉េរិក លោក Lloyd Austin បានធ្វើទស្សនកិច្ចដ៏គួរឱ្យភ្ញាក់ផ្អើលមួយទៅកាន់ទីក្រុង Kyiv ជាកន្លែងដែលលោកបានបង្ហាញកញ្ចប់ជំនួយយោធាថ្មីសម្រាប់អ៊ុយក្រែន មានតម្លៃ ១០០ លានដុល្លារ។

៣. អ៊ុយក្រែន​ ​ប្រារព្ធ​ខួប​លើក​ទី​ ១០ នៃ​បាតុកម្ម​ទ្រង់ទ្រាយ​ធំ​របស់​ប្រទេសខ្លួន

អ៊ុយក្រែន​នឹង​ប្រារព្ធ​ខួប​លើក​ទី​ដប់​នៃ​ការ​ធ្វើ​បាតុកម្ម​ទ្រង់ទ្រាយ​ធំ​របស់​ប្រទេសខ្លួន​នៅ​ថ្ងៃ​អង្គារ ដែលត្រូវបានគេស្គាល់ថាជាបដិវត្តន៍នៃសេចក្តីថ្លៃថ្នូរ និងបាតុកម្មប្រឆាំងរដ្ឋាភិបាលដែលនាំដល់ការរត់គេចខ្លួនរបស់អតីតប្រធានាធិបតី Viktor Yanukovych ទៅប្រទេសរុស្ស៊ី។

៤. សម្ដេចតេជោ គាំទ្រចំពោះគោលបំណង និងទិសដៅទៅអនាគតរបស់សមាគមអ្នកនិពន្ធខ្មែរ

​សាលារៀននៅក្នុងស្រុកឈូកខេត្តកំពត បានប្តេជ្ញាចិត្តក្នុងការចូលរួមកាត់បន្ថយការប្រើប្រាស់ថង់ប្លាស្ទិក ដើម្បីធ្វើឱ្យតាមសាលារៀនដងផ្លូវទីសាធារណៈតំបន់សហគមន៍ កន្លែងទេសចរណ៍ ជាកន្លែងដែលស្អាត និងគ្មានការប្រើប្រាស់ថង់ប្លាស្ទិក។

៥. សម្តេចបវរធិបតី ហ៊ុន ម៉ាណែត បណ្តេញវរសេនីយ៍ឯកម្នាក់ចេញពីក្របខ័ណ្ឌនៃកងយោពលខេមរភូមិន្ទ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា​ បាន​ចេញអនុក្រឹត្យលុបឈ្មោះវរសេនីយ៍ឯក ទៀវ ម៉ារឌី មេបញ្ជាការរងកងរាជអាវុធហត្ថខេត្តកណ្តាល ចេញពីក្របខណ្ឌនៃកងយោពលខេមរភូមិន្ទ។ នេះបើតាមរយៈអនុក្រឹត្យស្ដីពីការលុបឈ្មោះនាយទាហានចុះកាលពីពេលថ្មីៗ។

៦. ម្ចាស់ទូក កប៉ាល់ កាណូតទេសចរណ៍ទាំងអស់ ហាមឆ្លងកាត់ទីលានប្រណាំងទូក មុខព្រះបរមរាជវាំង

មន្ទីរទេសចរណ៍រាជធានីភ្នំពេញ បានចេញសេចក្តីជូនដំណឹង ស្តីពី ការតុបតែងលម្អ និងចូលចតនៅទន្លេមេគង្គលើរបស់កាណូតទេសចរណ៍ក្នុងព្រះរាជពិធីអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣។

៧. មនុស្ស ១០ នាក់ស្លាប់ក្នុងហេតុការណ៍បាក់រលំអណ្តូងរ៉ែមាសខុសច្បាប់មួយកន្លែងនៅ Suriname

អាជ្ញាធរ Suriname បាននិយាយថា មនុស្ស ១០ នាក់ស្លាប់ បន្ទាប់ពីអណ្តូងរ៉ែមាសខុសច្បាប់មួយកន្លែងបាក់រលំកាលពីថ្ងៃច័ន្ទ នៅក្នុងប្រទេស Suriname អាមេរិកខាងត្បូង។

៨. មនុស្ស ៩ នាក់ស្លាប់ និង ៤ នាក់ផ្សេងទៀតរងរបួសក្នុងហេតុការណ៍ប៉ះទង្គិចគ្នានៅម៉ិកស៊ិក

អាជ្ញាធរបាននិយាយថា មនុស្ស ៩ នាក់ស្លាប់ និង ៤ នាក់ផ្សេងទៀតរងរបួសនៅក្នុងហេតុការណ៍ប៉ះទង្គិចគ្នាដោយបាញ់ប្រហារជាបន្តបន្ទាប់នៅពេលថ្មីៗនេះក្នុងទីក្រុង Cuernavaca រដ្ឋ Morelos ភាគកណ្តាលនៃប្រទេសម៉ិកស៊ិក។

៩. នាវា Doulos Hope បណ្ណាគារអណ្តែតទឹកដ៏ធំបំផុតលើពិភពលោក កំពុងធ្វើដំណើរមកកាន់ក្រុងព្រះសីហនុ

នាវា Doulos Hope ផ្ទុកសៀវភៅរាប់ពាន់ក្បាល ដែលអ្នកអានគ្រប់គ្នាអាចទិញបាន ហើយត្រូវបាន Doulos Hope បង្កើតឡើងជាពិសេស ដើម្បីលើកកម្ពស់អក្ខរកម្ម ការអប់រំ និងកិច្ចសហប្រតិបត្តិការអន្តរវប្បធម៌នៅទូទាំងអាស៊ីអាគ្នេយ៍ នឹងបើកឱ្យចូលទស្សនាជាសាធារណៈ នៅកំពង់ផែព្រះសីហនុ ចាប់ពីថ្ងៃទី១៩ ធ្នូ ២០២៣ - ១១ មករា ២០២៤ ជារៀងរាល់ ថ្ងៃអង្គារ៍-អាទិត្យ ពីម៉ោង ២រសៀល ដល់ ៩យប់ ផងដែរ។

១០. នាយកដ្ឋានទេសចរណ៍មកពីប្រទេសចំនួន៨ក្នុងនោះក៏មានកម្ពុជាបានចូលរួមពិព័រណ៍ផ្សារទេសចរណ៍អន្តរជាតិចិន

ពិព័រណ៍ផ្សារទេសចរណ៍អន្តរជាតិចិនឆ្នាំ ២០២៣ បានបើកដំណើរការនាពេលថ្មីៗនេះ នៅទីក្រុងឃុនមីង ដែលមានតំណាងនាយកដ្ឋានទេសចរណ៍នៃប្រទេសចំនួន៨ ចូលរួម គឺ អាហ្វ្រិកខាងត្បូង ថៃ មីយ៉ាន់ម៉ា កម្ពុជា វៀតណាម នេប៉ាល់ ម៉ាឡេស៊ី និងឡាវ និងអង្គការចំនួនប្រាំមួយ រួមទាំងអង្គការទេសចរណ៍ពិភពលោករបស់អង្គការសហប្រជាជាតិ និងសមាគមទេសចរណ៍អាស៊ីប៉ាស៊ីហ្វិក ក៏បានចូលរួមផងដែរ៕