TA X2

· 02-28

ចំនួនអ្នកស្លាប់ជនជាតិប៉ាឡេស្ទីន ដោយសារសង្រ្គាមហ្កាហ្សា កើនឡើងដល់ជាង ២៩.៧០០នាក់

#ហ្កាហ្សា# #ប៉ាឡេស្ទីន# #ព័ត៌មាន# #អ៊ីស្រាអែល# #ព័ត៍មានអន្តរជាតិ#

6213

ក្រសួងសុខាភិបាលប៉ាឡេស្ទីន ដែលគ្រប់គ្រងដោយក្រុមហាម៉ាស បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទ (២៦ កុម្ភៈ) ថាចំនួនអ្នកស្លាប់របស់ប៉ាឡេស្ទីន ពីការវាយប្រហាររបស់អ៊ីស្រាអែលដែលកំពុងបន្តនៅក្នុងតំបន់ហ្កាហ្សាស្ទ្រីប បានកើនឡើងដល់ជាង ២៩.៧០០ នាក់។ 



ក្នុងអំឡុងពេល ២៤ ម៉ោងកន្លងមកនេះ កងទ័ពអ៊ីស្រាអែលបានសម្លាប់ជនជាតិប៉ាឡេស្ទីន ៩០ នាក់ និងបង្ករបួស ១៦៤ នាក់ទៀត ដែលនាំឱ្យចំនួនអ្នកស្លាប់សរុបកើនឡើងដល់ ២៩.៧៨២ នាក់ និងរបួសដល់ ៧០.០៤៣ នាក់ នេះបើយោងតាមសេចក្តីថ្លែងការណ៍។

កាលពីថ្ងៃចន្ទ កងទ័ពអ៊ីស្រាអែលបានវាយប្រហារលើផ្លូវរូងក្រោមដីមួយ ដែលតភ្ជាប់ភាគខាងជើង និងភាគខាងត្បូងនៃតំបន់ហ្កាហ្សាស្ទ្រីប។ កងទ័ពបន្ថែមថា ខ្លួនបានសម្លាប់ពួកសកម្មប្រយុទ្ធជាច្រើននាក់នៅក្នុងតំបន់ហ្កាហ្សា ក្នុងរយៈពេល ២៤ ម៉ោងកន្លងមក ខណៈប្រតិបត្តិការកាន់តែខ្លាំងក្លានៅក្នុងទីក្រុង ខាន់ យូនីស (Khan Younis) នៅភាគខាងត្បូង។

កងពលតូច អាល់កាសាម (Al-Qassam) ដែលជាស្លាបប្រដាប់អាវុធនៃចលនាតស៊ូអ៊ីស្លាម ហាម៉ាស បាននិយាយកាលពីថ្ងៃចន្ទថា បុគ្គលិកប្រដាប់អាវុធរបស់ពួកគេបានចូលរួមក្នុងការប៉ះទង្គិចជាមួយកងទ័ពអ៊ីស្រាអែល នៅក្នុងទីតាំងជាច្រើននៅក្នុងតំបន់ហ្កាហ្សាស្ទ្រីប ហើយពួកគេបានវាយប្រហារទាហានអ៊ីស្រាអែលនៅក្រុង ខាន់ យូនីស និងបំផ្លាញរថក្រោះអ៊ីស្រាអែលមួយគ្រឿង៕


ប្រភពពី៖ Xinhua

អត្ថបទកែសម្រួលដោយ៖ ឈុន សុជាតា


https://english.news.cn/20240227/243d2444826b4638baa577d7e7ebde2b/c.html

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)