TA X2
· 2024-03-10
ចិន៖ ការមានទាហានឥណ្ឌាកាន់តែច្រើននៅតាមព្រំដែន នឹងមិនបន្ធូរបន្ថយភាពតានតឹងឡើយ
#Mao Ning# #ទាហានឥណ្ឌា# #ព័ត៌មាន# #ភាពតានតឹង# #ព័ត៍មានអន្តរជាតិ#
1153
នៅឯសន្និសីទសារព័ត៌មានដែលតែងធ្វើជាប្រចាំ អ្នកនាំពាក្យក្រសួងការបរទេសចិន នៅថ្ងៃសុក្រ (ទី៨ ខែមីនា) នេះ បាននិយាយថា ប្រទេសចិនជឿជាក់ថា សមកម្មភាពរបស់ឥណ្ឌា ក្នុងការបន្ថែមកងទ័ព នៅព្រំដែនដែលមានជម្លោះជាមួយគ្នា គឺ «មិនអំណោយផលដល់ការបន្ធូរបន្ថយភាពតានតឹង» នោះឡើយ។
បើយោងតាមរបាយការណ៍ប្រព័ន្ធផ្សព្វផ្សាយជាច្រើន បានឲ្យដឹងថា រដ្ឋាភិបាលឥណ្ឌាបានបន្ថែមក្រុមទាហានចំនួន ១០.០០០នាក់ ដែលពីមុនត្រូវបានដាក់ពង្រាយនៅព្រំដែនភាគខាងលិចរបស់ខ្លួន ដើម្បីយកទៅពង្រឹងព្រំដែនដែលមានជម្លោះជាមួយប្រទេសចិន។
អ្នកនាំពាក្យក្រសួងការបរទេសលោកស្រី Mao Ning (ម៉ៅ នីង) បាននិយាយថា៖ «យើងជឿជាក់ថា ការសម្រេចបែបនេះរបស់ភាគីឥណ្ឌា មិនអំណោយផលដល់សន្តិភាព និងភាពស្ងប់ស្ងាត់ ហើយមិនស្របតាមការឯកភាពគ្នាដែលភាគីទាំង២ សម្រេចបាន ដើម្បីបន្ធូរបន្ថយភាពតានតឹងនៅតាមព្រំដែននោះឡើយ»។
គួរបញ្ជាក់ថា ប្រទេសទាំង២ ធ្លាប់បានព្រមព្រៀងគ្នាក្នុងការបន្តរក្សាការសន្ទនាតាមរយៈផ្លូវយោធា និងការទូត៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
វេទិកាសមាគមអ្នកកាសែត”ខ្សែក្រវាត់និងផ្លូវ”ឆ្នាំ២០២៤បានបើកធ្វើ
ទុក្ខជាន់ទុក្ខ! អាហារដ្ឋាន កញ្ញា ពេជ្រ ចរណៃ ត្រូវបានអគ្គិភ័យលេបត្របាក់ ត្រូវជួសជុលសងម្ចាស់ដើមខ្ទង់សែនដុល្លារ
ប្រុងប្រយ័ត្នបន្តិចទៅ តារានិករទាំង ៤ នេះ ងាយត្រូវមនុស្សក្បែរខ្លួនធ្វើបាប បោកប្រាស់ ក្បត់ចិត្តណាស់ ចឹងហើយ កុំសូវទុកចិត្តអ្នកណាស្លុងពេក
ឯកឧត្តមបណ្ឌិត ចែម វីឌ្យ៉ា៖ នយោបាយការទូតសភារួមចំណែកសំខាន់ជួយពង្រឹងសន្តិភាព និងស្ថេរភាពក្នុងផ្ទៃប្រទេស
យោបល់ទាំងអស់ (0)