
TA X2
· 2024-04-12
មេដឹកនាំក្រុមហាម៉ាសមិនចុះញ៉ម ក្រោយការវាយប្រហាររបស់អ៊ីស្រាអែល សម្លាប់កូនប្រុសរបស់លោក ៣នាក់
#ព័ត៌មាន# #ក្រុមហាម៉ាស# #អ៊ីស្រាអែល# #ការវាយប្រហារ# #ព័ត៍មានអន្តរជាតិ#
4192
ការវាយប្រហារតាមអាកាសរបស់អ៊ីស្រាអែល កាលពីថ្ងៃពុធ (ទី១០ ខែមេសា) បានសម្លាប់កូនប្រុស ៣នាក់របស់មេដឹកនាំជាន់ខ្ពស់បំផុតម្នាក់របស់ក្រុមហាម៉ាស គឺលោក Ismail Haniyeh ដែលបាននិយាយថា ការវាយប្រហារនេះនឹងមិនធ្វើឲ្យមានការបន្ទន់ជំហរចរចា ឬធ្វើឲ្យខ្សោយការតាំងចិត្តរបស់ក្រុម ក្នុងការប្រយុទ្ធប្រឆាំងនឹងអ៊ីស្រាអែលនោះទេ។
លោក Haniyeh ដែលដឹកនាំការិយាល័យនយោបាយរបស់ក្រុមហាម៉ាសពីនិរទេសខ្លួន ជាមេដឹកនាំក្រុមដ៏យូរអង្វែង។

លោកក៏កំពុងចូលរួមក្នុងការចរចាដែលជាប់គាំងជាមួយអ៊ីស្រាអែល តាមរយៈអ្នកសម្រុះសម្រួលអន្តរជាតិ ដែលកំពុងប្រឹងប្រែងឲ្យមានកិច្ចព្រមព្រៀងបទឈប់បាញ់ និងការធានាដោះលែងចំណាប់ថ្នូរអ៊ីស្រាអែលដែលត្រូវបានឃុំខ្លួនដោយក្រុមហាម៉ាស នៅតំបន់ហ្កាហ្សាស្ទ្រីប។
លោក Haniyeh បាននិយាយក្នុងសេចក្តីថ្លែងការណ៍មួយថា៖ «សត្រូវគឺយល់ច្រឡំហើយ ដែលគិតថា ការសម្លាប់កូនរបស់ខ្ញុំ នឹងធ្វើយើងផ្លាស់ប្តូរគោលជំហររបស់យើងនោះ។ យើងមិនព្រមចុះចាញ់ជាដាច់ខាត ទោះត្រូវលះបង់ច្រើនយ៉ាងណា»។
គួរបញ្ជាក់ថា កងទ័ពជើងគោកអ៊ីស្រាអែលបានដកចេញភាគច្រើនពីតំបន់ហ្កាហ្សា ប៉ុន្តែអ៊ីស្រាអែលនៅតែបន្តធ្វើការវាយប្រហារតាមអាកាសទូទាំងដែនដីនេះ ក៏ដូចជាការប្រយុទ្ធគ្នា នៅច្រករបៀងមួយ នៅភាគកណ្តាលតំបន់ហ្កាហ្សា ដែលយោធាអ៊ីស្រាអែលបានរក្សាវត្តមាននៅទីនោះ។
លោក Haniyeh ដែលបានធ្វើដំណើរជាយូរមកហើយទៅមក រវាងប្រទេសកាតា និងទួរគី បាននិយាយនៅក្នុងសេចក្តីថ្លែងការណ៍ថា សមាជិក ៦០នាក់នៃគ្រួសាររបស់លោក ត្រូវបានសម្លាប់ដោយអ៊ីស្រាអែលច្រើនឆ្នាំមកនេះ ហើយថា ការវាយប្រហារកាលពីថ្ងៃទី១០ ខែមេសា ក៏បានសម្លាប់ចៅៗប៉ុន្មាននាក់ដែរ បន្ថែមពីលើកូនប្រុសទាំង៣ របស់លោក៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
តារាសម្ដែងចិន Liang Youcheng ទទួលមរណភាពក្នុងអាយុ ២៧ ឆ្នាំ ក្រោយសង្ស័យឆ្លងជំងឺផ្ដាសាយ
ខែថ្មីពោរពេញដោយក្ដីស្រឡាញ់ សម្រាប់អ្នកឆ្នាំទាំង ៣ នេះ នឹងមានដំណឹងល្អក្នុងរឿងស្នេហា នៅខែកក្កដានេះ
គណៈកម្មាធិការមជ្ឈិមបក្សកុម្មុយនីស្តចិនផ្ញើសារអបអរសាទរខួបលើកទី ៩៥ នៃការបង្កើតបក្សកុម្មុយនីស្តវៀតណាម
ក្រុមតារានិករទាំង ៦ ជាមនុស្សដែលមានសំណាងច្រើននៅក្នុងរឿងស្នេហា
យោបល់ទាំងអស់ (0)