TA X2
· 2024-04-23
មេដឹកនាំអ៊ីរ៉ង់ មិននិយាយសំដៅទៅលើការសងសឹករបស់អ៊ីស្រាអែលនោះទេ
#ព័ត៌មាន# #អ៊ីរ៉ង់# #អ៊ីស្រាអែល# #ព័ត៍មានអន្តរជាតិ#
3455
មេដឹកនាំកំពូលរបស់ប្រទេសអ៊ីរ៉ង់ លោក Ayatollah Ali Khamenei បានកោតសរសើរចំពោះការវាយប្រហារនាពេលថ្មីៗនេះរបស់ប្រទេសលោក លើអ៊ីស្រាអែល ខណៈ មិននិយាយសំដៅទៅលើការសងសឹករបស់អ៊ីស្រាអែលនោះទេ។
អ៊ីរ៉ង់ បានបើកការវាយប្រហារទ្រង់ទ្រាយធំលើអ៊ីស្រាអែល ចាប់ពីថ្ងៃទី ១៣ ខែមេសា។ កាលពីថ្ងៃសុក្រ ការផ្ទុះជាច្រើនបានកើតឡើងនៅប្រទេសអ៊ីរ៉ង់ភាគកណ្តាល ហើយប្រព័ន្ធផ្សព្វផ្សាយអាមេរិក បានរាយការណ៍ថា វាគឺជាការសងសឹករបស់អ៊ីស្រាអែល។
ទូរទស្សន៍រដ្ឋអ៊ីរ៉ង់ បានរាយការណ៍ថា លោក Khamenei បាននិយាយទៅកាន់មេបញ្ជាការកងកម្លាំងប្រដាប់អាវុធរបស់ប្រទេស កាលពីថ្ងៃអាទិត្យ។ ក្នុងសុន្ទរកថា លោកបាននិយាយសំដៅទៅលើការវាយប្រហាររបស់អ៊ីរ៉ង់។ លោកនិយាយថា ភាគីម្ខាងទៀតខ្វល់ខ្វាយអំពីថាតើមីស៊ីលប៉ុន្មានគ្រាប់ដែលត្រូវបានបាញ់ ឬវាយប្រហារចំគោលដៅ ប៉ុន្តែវាជារឿងសំខាន់ដែលប្រជាជន និងយោធាអ៊ីរ៉ង់ បង្ហាញពីឆន្ទៈរបស់ពួកគេចំពោះពិភពលោក។ លោកពុំបាននិយាយប៉ះពាល់លើវិធានការឆ្លើយតបជាក់ស្តែងរបស់អ៊ីស្រាអែលនោះទេ។
ក្រុមអ្នកសង្កេតការណ៍បាននិយាយថា មេដឹកនាំកំពូលរបស់អ៊ីរ៉ង់ បានបញ្ជាក់ថាប្រទេសនេះបច្ចុប្បន្នពុំមានបំណងបង្កើនភាពតានតឹង ដោយធ្វើការវាយប្រហារបន្ថែមទៀតនោះទេ។
កាលពីថ្ងៃសៅរ៍ ការបំផ្ទុះមួយផ្សេងទៀត ដែលពុំបានដឹងមូលហេតុត្រូវបានគេរាយការណ៍ថា បានកើតឡើងនៅមូលដ្ឋានរបស់ក្រុមជីវពលដែលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់។
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ស្នេហាមិនមែនជារឿងសំខាន់ក្នុងជីវិតឡើយ តែចុងក្រោយ ជីវិតនេះវាក៏គ្មានន័យ ប្រសិនបើយើងមិនអាចរកបានមនុស្សម្នាក់កាន់ដៃរួមដំណើរជីវិត
ឈឺក្បាលជាញឹកញាប់ បណ្តាលមកពីកត្តាអ្វីខ្លះ?
ផលិតផលវប្បធម៍នៃព្រឹត្តិការណ៍កីឡាអាស៊ីរដូវរងាគួរឱ្យស្រលាញ់ តើលោកអ្នកចូលចិត្តមួយណា?
ក្នុងគ្រួសារ បើអាចសូម «ជៀសវាងការប្រព្រឹត្ត៣យ៉ាងនេះ» ដើម្បីមានសុភមង្គល វិបុលភាពក្នុងគ្រួសារ និងសុភមង្គលយូរអង្វែង
យោបល់ទាំងអស់ (0)