នាវាកងទ័ពជើងទឹកចិន Qijiguang និង Jinggangshan នឹងមកបំពេញទស្សនកិច្ចនៅកម្ពុជា និងទីម័រខាងកើត ហើយតាមការពិភាក្សា និងឯកភាពគ្នាកងទ័ពចិន និងកម្ពុជានឹងធ្វើសមយុទ្ធ"នាគមាសឆ្នាំ២០២៤" រួមគ្នានៅកម្ពុជានៅពាក់កណ្តាលខែ និងចុងខែឧសភាឆ្នាំនេះ ក្រោមប្រធានបទ «ប្រតិបត្តិការប្រឆាំងភេរវកម្មរួមគ្នានិងការជួយសង្គ្រោះមនុស្សធម៌»។ នេះបើយោងតាម ក្រសួងការពារជាតិ។ 

ក្រសួងការពារជាតិ បាននិយាយថា បេសកកម្មនេះ មានគោលបំណងបង្កើនសមត្ថភាពរបស់ទាហានកងទ័ពជើងទឹករបស់កម្ពុជាក្នុងប្រតិបត្តិការ និងពង្រឹងកិច្ចសហប្រតិបត្តិការជាក់ស្តែង និងការជឿទុកចិត្តគ្នាទៅវិញទៅមករបស់កងទ័ពជើងទឹកចិន ជាមួយកងទ័ពជើងទឹកនៃប្រទេសគោលដៅទាំងពីរ ដើម្បីរួមចំណែកក្នុងការកសាងសហគមន៍ដែនសមុទ្រជាមួយនឹងអនាគតរួមគ្នា។

ដំណើរទស្សនកិច្ចនេះ នឹងជាផ្នែកមួយនៃកាលវិភាគរបស់កងទ័ពជើងទឹក សម្រាប់កម្មវិធីហ្វឹកហ្វឺននៅសមុទ្រឆ្ងាយ ក្នុងអំឡុងពេលដែលទាហានមកពីប្រទេសកម្ពុជា និងប្រទេសដទៃទៀត នឹងចូលរួមជាមួយមិត្តចិន ដើម្បីធ្វើសមយុទ្ធពាក់ព័ន្ធរួមគ្នា ដែលនឹងមានអំណោយផលដល់ការពង្រឹងចំណងមិត្តភាពដែកថែបបន្ថែមទៀត រវាងគ្នា និងលើកកម្ពស់កិច្ចសហការយុទ្ធសាស្ត្ររវាងកងទ័ពនៃប្រទេសទាំងពីរ និងរួមគ្នាគាំពារសន្តិភាព និងស្ថិរភាពក្នុងតំបន់ផងដែរ៕