TNAOT News

· 05-15

លោក Putin នឹង​ធ្វើ​ដំណើរ​ទស្សនកិច្ច​ផ្លូវរដ្ឋ​ទៅ​ប្រទេស​ចិន​ក្នុង​សប្តាហ៍​នេះ

#Xi Jinping# #Vladimir Putin# #ព័ត៌មាន# #ព័ត៍មានអន្តរជាតិ#

7644


ក្រសួងការបរទេសចិនបាននិយាយកាលពីថ្ងៃអង្គារថា លោក Putin នឹងធ្វើទស្សនកិច្ចផ្លូវរដ្ឋរយៈពេល ២ថ្ងៃ ទៅកាន់ប្រទេសចិនក្នុងសប្តាហ៍នេះ តបតាមការអញ្ជើញរបស់លោក Xi ។

 

ប្រធានាធិបតីរុស្ស៊ី លោក Vladimir Putin នឹងជួបជាមួយមេដឹកនាំចិន លោក Xi Jinping នៅថ្ងៃព្រហស្បតិ៍ខាងមុខនេះ ដើម្បីពិភាក្សាអំពី «កិច្ចសហប្រតិបត្តិការក្នុងវិស័យផ្សេងៗនៃទំនាក់ទំនងទ្វេភាគី ក៏ដូចជាបញ្ហាអន្តរជាតិ និងតំបន់ដែលមានការព្រួយបារម្ភរួមគ្នា» ប៉ុន្ដែមិនមានព័ត៌មានលម្អិតត្រូវបានលើកឡើងទេ។

 

ប្រទេសចិន ជាប្រទេសមួយដែលគាំទ្ររុស្ស៊ីផ្នែកនយោបាយនៅក្នុងជម្លោះជាមួយអ៊ុយក្រែន ហើយ៏មាននាំចេញឧបករណ៍ម៉ាស៊ីន គ្រឿងអេឡិចត្រូនិក និងរបស់របរផ្សេងទៀតៗ ដែលត្រូវបានគេមើលឃើញថាបានរួមចំណែកដល់កិច្ចខិតខំប្រឹងប្រែងសង្គ្រាមរុស្ស៊ី ដោយមិនមានការនាំចេញអាវុធពិតប្រាកដ ។

 

ប្រទេសចិនក៏ជាទីផ្សារនាំចេញដ៏សំខាន់មួយសម្រាប់ការផ្គត់ផ្គង់ថាមពល ដែលរក្សាទ្រព្យសម្បត្តិរបស់រុស្ស៊ី ខណៈប្រទេសចិនបានប្រកាសថាខ្លួនជាភាគីអព្យាក្រឹតក្នុងជម្លោះរវាងរុស្ស៊ី នឹងអ៊ុយក្រែន ហើយក៏មានទំនាក់ទំនង «គ្មានដែនកំណត់» ជាមួយរុស្ស៊ីក្នុងការប្រឆាំងនឹងលោកខាងលិច។ ភាគីទាំងពីរក៏បានធ្វើសមយុទ្ធយោធារួមគ្នាជាបន្តបន្ទាប់ ហើយចិនបានប្រឆាំងជាប់លាប់នូវទណ្ឌកម្មសេដ្ឋកិច្ចប្រឆាំងនឹងរុស្ស៊ីជាការឆ្លើយតបទៅនឹងយុទ្ធនាការដណ្តើមយកទឹកដីអ៊ុយក្រែនដែលមានរយៈពេលពីរឆ្នាំមកនេះ។

 

​ដំណើរ​ទស្សនកិច្ចនេះ គឺជាដំណើរទស្សនកិច្ច​ទៅកាន់បរទេស​លើក​ដំបូង​របស់​លោក Putin ចាប់​តាំង​ពី​លោក​បាន​ស្បថ​ចូល​កាន់​តំណែង​ជា​ប្រធានាធិបតី និង​បាន​ចាប់​ផ្តើម​អាណត្តិ​ទី ៥ របស់​លោក​មក៕

សម្រួលដោយ៖ រិទ្ធី សុវណ្ណារ័ត្ន

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស