ប្រទេសចិន នាថ្ងៃពុធ នេះបានអនុវត្តគោលនយោបាយអនុញ្ញាតឱ្យក្រុមទេសចរបរទេសដែលធ្វើដំណើរតាមនាវាទេសចរណ៍ទាំងអស់ ចេញ និងចូលដោយគ្មានទិដ្ឋាការ នៅតាមបណ្តោយឆ្នេរសមុទ្ររបស់ប្រទេស។ នេះបើតាមការចុះផ្សាយរបស់ ទីភ្នាក់ងារព័ត៌មានចិនស៊ិនហួ នាថ្ងៃទី១៥ ខែឧសភា ឆ្នាំ២០២៤ នេះ។

ក្រុមអ្នកទេសចរណ៍នីមួយៗអាចមានជនបរទេសពីរនាក់ ឬច្រើននាក់ ហើយរៀបចំ ឬទទួលដោយទីភ្នាក់ងារទេសចរណ៍ចិន អាចចូលប្រទេសចិនដោយមិនគិតថ្លៃទិដ្ឋាការនៅលើកប៉ាល់ទេសចរណ៍តាមរយៈកំពង់ផែទេសចរណ៍ក្នុងទីក្រុងចំនួន១៣ របស់ប្រទេសចិន រួមមានទីក្រុងសៀងហៃ ធានជីន ក្វាងចូវ សាន់យ៉ា និងទីក្រុងផ្សេងៗទៀត។ នេះ​បើ​តាម​ការ​ឲ្យ​ដឹង​ពី​រដ្ឋបាល​អន្តោប្រវេសន៍​ជាតិ(NIA)។

អ្នកទេសចរអាចស្នាក់នៅក្នុងប្រទេសចិនបានមិនលើសពី ១៥ថ្ងៃ។ ខណៈពេលអំឡុងស្នាក់នៅក្នុងប្រទេសចិន ភ្ញៀវទេសចរ អាចទៅទស្សនាខេត្តជាប់មាត់សមុទ្រ ក្រុង និងតំបន់ស្វយ័ត ព្រមទាំងទីក្រុងប៉េកាំងផងដែរ៕