ប្រធានាធិបតីអ៊ុយក្រែនលោក Zelensky បានលុបចោលដំណើរទស្សនកិច្ចរបស់លោក ទៅកាន់ប្រទេសព័រទុយហ្គាល់ និងប្រទេសអេស្បាញ ដែលជាកន្លែងដែលស្តេច Felipe បានត្រៀមរៀបចំរួចជាស្រេច ​ដើម្បីស្វាគមន៍ និងទទួលទានអាហារពេលល្ងាចជាកិត្តិយសសម្រាប់លោក តាមការសន្និដ្ឋានបឋមអាចដោយសារតែស្ថានភាពជួរមុខកាន់តែយ៉ាប់យ៉ឺននៅក្នុងប្រទេសអ៊ុយក្រែន។ អ្នកនាំពាក្យរដ្ឋាភិបាលព័រទុយហ្គាល់ បាននិយាយថាលោក Zelensky មិនបានផ្តល់ហេតុផល សម្រាប់ការលុបចោលរបស់គាត់នោះទេ។

ដែលដំណើរទស្សនកិច្ចលើកនេះគឺ នាយករដ្ឋមន្ត្រីអេស្ប៉ាញលោក Pedro Sanchez និងលោក Zelensky គ្រោងនឹងចុះហត្ថលេខាលើកិច្ចព្រមព្រៀងសន្តិសុខទ្វេភាគី ជាមួយនឹងការសន្យារបស់សហភាពអឺរ៉ុប ក្នុងការធានាការគាំទ្ររយៈពេលវែង សម្រាប់ទីក្រុងគៀវផងដែរ៕