
Cambo-China
· 2024-07-01
កិច្ចប្រជុំលើកទី៧ របស់គណៈកម្មាធិការចម្រុះចរចាដំឡើងកម្រិតកិច្ចព្រមព្រៀងពាណិជ្ជកម្មសេរីអាស៊ាន-ចិន
#ប្រទេសចិន# #សង្គម# #កិច្ចព្រមព្រៀង# #ព័ត៌មានសង្គម# #អាស៊ាន# #CAMBO-CHINA# #ពាណិជ្ជកម្ម#
3322
គណៈប្រតិភូកម្ពុជាចូលរួម បានចូលរួមកិច្ចប្រជុំលើកទី៧ របស់គណៈកម្មាធិការចម្រុះចរចាដំឡើងកម្រិតកិច្ចព្រមព្រៀងពាណិជ្ជកម្មសេរីអាស៊ាន-ចិន ដើម្បីពិនិត្យតាមដានវឌ្ឍនភាពការចរចា ក៏ដូចជាពិភាក្សាដោះស្រាយបញ្ហានានា និងកិច្ចការបន្ទាប់របស់ក្រុមការងារពាក់ព័ន្ធ ក្នុងគោលបំណងឈានទៅរកការបញ្ចប់ជាដុំកំភួននៃការចរចាដំឡើងកម្រិតកិច្ចព្រមព្រៀងពាណិជ្ជកម្មសេរីអាស៊ាន-ចិន នៅចុងឆ្នាំ២០២៤ នៅទីក្រុងណាននីង នៃសាធារណរដ្ឋប្រជាមានិតចិន ក្រោមការដឹកនាំ ឯកឧត្តម ទិត រិទ្ធីពល អនុរដ្ឋលេខាធិការក្រសួងពាណិជ្ជកម្ម និងជាប្រធានគណៈកម្មាធិការចម្រុះសម្រាប់ភាគីកម្ពុជា។ នៅក្នុងឱកាសនោះ កិច្ចប្រជុំរបស់ក្រុមការងារពាក់ព័ន្ធមួយចំនួនក៏ត្រូវបានរៀបចំឡើងផងដែរ រួមមាន៖ ក្រុមការងារពាណិជ្ជកម្មទំនិញ វិនិយោគ សេដ្ឋកិច្ចឌីជីថល សេដ្ឋកិច្ចបៃតង វិធានអនាម័យនិងភូតគាមអនាម័យ ស្តង់ដារនិងការវាយតម្លៃអនុលោមភាព ប្រកួតប្រជែងនិងកិច្ចការពារអ្នកប្រើប្រាស់ ច្បាប់និងស្ថាប័ន ព្រមទាំង ការតភ្ជាប់ខ្សែច្រវ៉ាក់ផ្គត់ផ្គង់។
ជាលទ្ធផល កិច្ចប្រជុំលើកទី៧នេះត្រូវបានបញ្ចប់ដោយជោគជ័យដោយបញ្ចប់ការចរចាលើជំពូកស្ដីពីការតភ្ជាប់ខ្សែច្រវ៉ាក់ផ្គត់ផ្គង់ ជំពូកស្ដីពីប្រកួតប្រជែងនិងកិច្ចការពារអ្នកប្រើប្រាស់ និងជំពូកស្ដីពីស្តង់ដារនិងការវាយតម្លៃអនុលោមភាព។ កិច្ចប្រជុំបានឯកភាពរៀបចំកិច្ចប្រជុំលើកទី៨ នៅខែសីហា ឆ្នាំ២០២៤ នៅប្រទេសវៀតណាម៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
សប្តាហ៍ផ្លាស់ប្តូរការអប់រំចិន-អាស៊ានឆ្នាំ ២០២៣ បានបើកនៅប្រទេសចិន
ភាពរស់រវើកនៃជនបទរបស់ចិនក្នុងក្រសែភ្នែកយុវជនកម្ពុជា
【វីដេអូ】ចិន និងអាស៊ានកំពុងសម្លឹងរកមើលកិច្ចសហប្រតិបត្តិការថាមពលបៃតង
គណៈប្រតិភូជាន់ខ្ពស់ពីតំបន់រដ្ឋបាលពិសេសហុងកុង សិក្សាស្វែងយល់បន្ថែមអំពីកាលានុវត្តភាព និងសក្តានុពលនៃការវិនិយោគនៅកម្ពុជា
ការណែនាំពិសេស
មេដឹកនាំក្រុមប្រទេស G7 បានមកដល់ប្រទេសអ៊ីតាលីមុនកិច្ចប្រជុំកំពូលចាប់ផ្តើមដែលអ៊ុយក្រែនបានកំណត់ជារបៀបវារៈកំពូលមួយដែរ
ទស្សន៍ទាយជោគជតារាសី លាភសំណាង អាជីពការងារ និងស្នេហារបស់ម្ចាស់ឆ្នាំទាំង ៣ ក្នុងឆមាសទី ២ នៃឆ្នាំ ២០២៤
៥ខែជាប់គ្នា! ចាប់ពីខែនេះរហូតដល់ខែតុលា អ្នកឆ្នាំទាំង ៣ កាន់តែមានភាពចម្រុងចម្រើន រុងរឿង ស្នេហា ការស្រឡាញ់កាន់តែអំណោយផល
អ្នកប្រើប្រាស់ចំនួន ៨០,០០០នាក់ មានការត្អូញត្អែរ អំពីការបោកប្រាស់ តាមប្រព័ន្ធផ្សព្វផ្សាយ សង្គមក្នុងឆ្នាំ ២០២៣
យោបល់ទាំងអស់ (0)