ក្នុងជំនួបរវាង ឯកឧត្តមបណ្ឌិត អ៊ុន ឃាង រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ និងគណៈប្រតិភូសម្ព័ន្ធយុវជននៃសាកលវិទ្យាល័យ Xiamen នៃសាធារណរដ្ឋប្រជាមានិតចិន ដែលជាសាស្រ្តាចារ្យ និងនិស្សិត ដឹកនាំដោយលោក Chen Boyi សាស្រ្តាចារ្យ និងជាអនុប្រធាននាយកដ្ឋានប្រវត្តិវិទ្យានៃសាកលវិទ្យាល័យ Xiamen ឯកឧត្តមរដ្ឋលេខាធិការនៃក្រសួងការបរទេស បានលើកឡើងអំពី ទំនាក់ទំនងជាប្រវត្តិសាស្រ្តរវាងកម្ពុជា-ចិន និងការផ្លាស់ប្តូរវប្បធម៌ និងប្រពៃណីរវាងប្រទេសទាំងពីរ និងបានផ្លាស់ប្តូរទស្សនៈលើបញ្ហា ដែលជាចំណាប់អារម្មណ៍រួមលើកិច្ចសហប្រតិបត្តិការនៃប្រទេសទាំងពីរ ដែលរួមមាន ពាណិជ្ជកម្ម ជំនួយអភិវឌ្ឍន៍ និងការផ្លាស់ប្តូររវាងប្រជាជន និងប្រជាជននៃប្រទេសទាំងពីរ ដែលជាមូលដ្ឋានគ្រឹះនៃមិត្តភាពដែកថែបនៃប្រទេសទាំងពីរផងដែរ៕