ស្នាមញញឹម និងកាយវិការប្រកបដោយទំនុកចិត្តរបស់ស្ត្រី គឺជាគន្លឹះក្នុងការពង្រឹងនិស្ស័យរបស់នាង។ នារីដែលមានទំនុកចិត្ត មិនថាស្ថិតក្នុងស្ថានភាពបែបណានោះទេ នាងតែងតែអាចរក្សានូវភាពសុខសាន្ត និងមន្តស្នេហ៍របស់នាង ដែលមានភាពទាក់ទាញខ្លាំង។ ពិសេស សម្រាប់ស្រ្តីមួយចំនួន ទោះមិនមានរូបរាងស្អាតក៏ដោយ តែមានចរិយាល្អប្រពៃ ដែលអាចនាំសំណាងនិងភាពរុងរឿងដល់គ្រួសារ៖

១.ស្វែងយល់ពីគុណសម្បត្តិ និងគុណវិបត្តិនៃរាងកាយ និងនិស្ស័យ៖ ស្ត្រីគ្រប់រូបមានគុណសម្បត្តិ និងគុណវិបត្តិរៀងៗខ្លួន។ ស្ត្រីម្នាក់មាននិស្ស័យមិនល្អដោយសារនាងមិនចេះលើកកម្ពស់ចំណុចខ្លាំងរបស់ខ្លួន និងលាក់បាំងចំណុចខ្សោយរបស់ខ្លួន។ ប្រភេទមនុស្សស្រីដែលមិនយល់ច្បាស់ពីលក្ខណៈរាងកាយរបស់ខ្លួន ដូច្នេះពេលស្លៀកពាក់តែងតែមិនទទួលបានលទ្ធផលល្អ។ បើគេចេះជ្រើសរើសសម្លៀកបំពាក់ឲ្យបានត្រឹមត្រូវ គេនឹងទាញយកប្រយោជន៍បាន ដូចជាស្លៀកពាក់មិនឡូយឆាយតែមើលទៅសមសួន ជាមនុស្សថ្លៃថ្នូរ។ ទោះរូបសម្បត្តិុមិនល្អ តែចរិតរឹកពារសុភាពរាបសារ ចេះអោយតម្លៃខ្លួនឯង នឹងអាចលើកមុខមាត់ប្តីបាន។

២.ស្នាមញញឹមប្រកបដោយទំនុកចិត្ត និងកាយវិការសមរម្យ៖ ស្នាមញញឹម និងកាយវិការប្រកបដោយទំនុកចិត្តរបស់ស្ត្រី គឺជាគន្លឹះក្នុងការពង្រឹងនិស្ស័យរបស់នាង។ នារីដែលមានទំនុកចិត្ត មិនថាស្ថិតក្នុងស្ថានភាពបែបណានោះទេ នាងនឹងអាចរក្សានូវភាពទាក់ទាញ និងមន្តស្នេហ៍របស់នាង។ លើសពីនេះ កាយវិការសមរម្យក៏ជាវិធីមួយដើម្បីបង្កើននិស្ស័យផងដែរ។ ស្ត្រីដែលមានសុជីវធម៌គួរសមនឹងត្រូវបានគេគោរពយ៉ាងខ្លាំងពីគ្រប់គ្នា។ ដូច្នេះហើយស្ត្រីត្រូវមានអាកប្បកិរិយាគួរឱ្យគោរព និងមានទំនុកចិត្ត ធ្វើឱ្យនិស្ស័យរបស់ពួកគេលេចធ្លោជាងមនុស្សទូទៅ។

៣.របៀបនិយាយ៖ នៅក្នុងជីវិតពិត មិនថារូបរាងរបស់មនុស្សស្រីមានភាពស្រស់ស្អាតយ៉ាងណានោះទេ ដរាបណានាងបើកមាត់ វានឹងបង្ហាញពីធាតុពិតរបស់នាង ព្រោះនៅពេលនេះការយកចិត្តទុកដាក់ទាំងអស់នឹងផ្តោតលើវិធីដែលនាងនិយាយ។ របៀបដែលស្ត្រីនិយាយ និងចំណេះដឹងរបស់នាងនឹងប៉ះពាល់ផ្ទាល់ដល់របៀបដែលអ្នកដទៃវាយតម្លៃនាង។ អ្នកអាចមើលឃើញថាមានស្ត្រីដែលទោះបីជារូបរាងរបស់ពួកគេមិនស្អាតក៏ដោយ តែនៅពេលដែលពួកគេនិយាយពួកគេមានភាពច្បាស់លាស់និងស៊ីសង្វាក់គ្នានោះហើយជាស្រ្តីដ៏ថ្លៃថ្លូរ ដោយវាបង្ហាញតាមរយៈសម្តីពោរពេញដោយវប្បធម៌ជ្រៅជ្រះ និងតួនាទីការងារដ៏ល្អរបស់ពួកគេ។ មនុស្សបែបនេះគឺគួរឱ្យចាប់អារម្មណ៍ខ្លាំងណាស់ ហើយពួកគេមានគុណសម្បត្តិដ៏អស្ចារ្យ។ ក៏មានស្ត្រីមួយចំនួនផងដែរ ដែលទោះបីជាពួកគេថែរក្សារូបរាង និងស្លៀកពាក់ឱ្យបានល្អក៏ដោយ របៀបដែលពួកគេនិយាយគឺទទេ គ្មានការគិត និងសូម្បីតែមិនច្បាស់លាស់ វានឹងធ្វើអោយអ្នកដទៃមិនចូលចិត្ត ឬ គិតថាល្អតែរូបរាងតែសម្តីសម្តៅគ្មានសីលធម៌ជាដើម៕