ប្រធានគណៈកម្មការទី៩នៃរដ្ឋសភា លោកជំទាវ និន សាផុន ទទួលបដិសណ្ឋារកិច្ចដំណើរទស្សនកិច្ចរបស់គណៈប្រតិភូសភាតំណាងប្រជាជនចិនក្រុងសៀងហៃ មកកាន់រាជធានីភ្នំពេញ។លោកជំទាវ និន សាផុន នាយប់ថ្ងៃទី២ ខែកញ្ញា ឆ្នាំ២០២៤ បានធ្វើបដិសណ្ឋារកិច្ចដំណើរអញ្ជើញមកដល់របស់គណៈប្រតិភូសភាតំណាងប្រជាជនចិន នៅអាកាសយានដ្ឋានអន្តរជាតិភ្នំពេញ ដឹកនាំដោយ លោកជំទាវ ចុង មីង (Zong Ming) អនុប្រធានគណៈកម្មាធិការអចិន្ត្រៃយ៍សភាតំណាងប្រជាជនចិនក្រុងសៀងហៃ ក្នុងដំណើរបំពេញទស្សនកិច្ចជាផ្លូវការ រយៈពេល៤ថ្ងៃ ពីថ្ងៃទី១ ដល់ ថ្ងៃទី៤ ខែកញ្ញា ឆ្នាំ២០២៤។ តាមកម្មវិធីគ្រោងទុក គណៈប្រតិភូសភាតំណាងប្រជាជនចិនក្រុងសៀងហៃ នឹងចូលជួបសម្តែងការគួរសម និងពិភាក្សាការងារជាមួយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា ជួបពិភាក្សាការងារជាមួយគណ:កម្មការទី២ គណ:កម្មការទី៣ គណ:កម្មការទី៥ គណ:កម្មការទី៩ នៃរដ្ឋសភា និងជួបពិភាក្សាការងារជាមួយ ឯកឧត្តម ឃួង ស្រេង អភិបាល នៃគណ:អភិបាលរាជធានីភ្នំពេញ៕

សម្របសម្រួលអត្ថបទដោយ៖ ផល្លីកា