កម្ពុជា តាម​រយៈ​ក្រសួង​វប្បធម៌ និង​វិចិត្រសិល្បៈ បានរៀប​ចំ​នីតិវិធី និង​ឯកសារ​ពាក់ព័ន្ធ ដើម្បី​ស្នើ​ដាក់​ប​ញ្ជូ​ល​ក្រមា​ខ្មែរ និង​សារមន្ទីរ​ទួល​ស្លែង ចូល​ក្នុង​បញ្ជី​សម្បត្តិ​បេតិកភណ្ឌ​ពិភព​លោក​របស់​អង្គការ​យូណេស្កូ បន្ទាប់​ពី​ស្នើ​ប​ញ្ជូ​ល​ប្រាសាទ​កោះ​កេរ ទទួលជោគជ័យ​ជា​ផ្លូវការកាលពីថ្ងៃទី១៧ ខែកញ្ញា ឆ្នាំ២០២៣។ដែលកាលនោះក្នុងសន្និសីទ​សារព័ត៌​មាន​នៅ​អាកាស​យានដ្ឋាន​អន្តរ​ជាតិ​ភ្នំពេញ កាលពីឆ្នាំ២០២៣ លោក គង់ ពុទ្ធិកា អគ្គនាយក​អាជ្ញាធរ​ជាតិ​ព្រះវិហារ នៃ​ក្រសួង​វប្បធម៌ និង​វិចិត្រ​សិល្បៈ ធ្លាប់បាននិយាយថា «ក្រសួង​ បានកំពុង​រៀបចំ​ឯកសារ ដើម្បី​ស្នើ​ដាក់​បញ្ចូល​ក្រមា ជា​បេតិកភណ្ឌ​ពិភព​លោក​អរូបី​របស់​អង្គការ​យូណេស្កូ»។

គួរបញ្ជាក់ផងដែរថា ក្រមា គឺជារបស់មួយដ៏សាមញ្ញតែវាបានបង្កប់នូវអត្ថន័យធំធេងសម្រាប់ប្រជាជនខ្មែរទាំងមូល។ តើអ្នកដឹងទេថាអ្វីជាអត្ថន័យរបស់ក្រមាចំពោះប្រជាជនខ្មែរ? ក្រមាគឺជាការរួមបញ្ជូលគ្នានៃអំបោះមួយសសៃរៗតូចៗ បញ្ជាក់ឱ្យឃើញពីការសាមគ្គីភាព ការរួបរួមគ្នានិងភាពស្វាហាប់ របស់ប្រជាជនខ្មែរ។

អំបោះមួយសរសៃៗមានពណ៍ផ្សេងៗគ្នា បង្ហាញអោយឃើញពីការរស់នៅរបស់ប្រជាជនខ្មែរក្នុងចំរុះជាតិសាសន៍ និងចំរុះសាសនាប្រកបដោយសន្តិភាពពោពេញដោយសេចក្ដីសុខ គ្មានការរើសអើង។ ហើយក្រឡាចត្រង្គរបស់ក្រមា សំដៅលើភាពម៉ត់ចត់ម៉ឺងមាត់ របស់អ្នកត្បាញដែលខិតខំយកចិត្តទុកដាក់ ធ្វើអោយមានក្រឡាចត្រង្គនិង បង្កើតអោយមានភាពស្រស់ស្អាតនៃក្រមា។ បន្ថែមពីនេះ ក្រមាក៏បង្ហាញពីអត្តសញ្ញាណខ្មែរ និងភាពអំណត់តស៊ូ របស់អ្នកត្បាញក៏ដូចជាប្រជាជនខ្មែរទាំងមូលផងដែរ៕