សម្រាប់ព្រឹត្តិការណ៍ព័ត៌មានថ្មីៗប្រចាំថ្ងៃនេះរួមមាន៖

១. ផ្លូវជាតិលេខ៣១ ប្រវែងជាង៥៣គីឡូម៉ែត្រ បានសម្រេចការសាងសង់១០០%ហើយ

ផ្លូវជាតិលេខ៣១(បែកគូស ខេត្តតាកែវ-កំពង់ត្រាច ខេត្តកំពត) ប្រវែងជាង៥៣គីឡូម៉ែត្រ បានសម្រេចការសាងសង់១០០%ហើយ។ នេះបើតាមការឲ្យដឹងរបស់ អ្នកនាំពាក្យក្រសួងសាធារណការ និង ដឹកជញ្ជូន។

២. ក្រមាខ្មែរ នឹងត្រូវពិចារណាដាក់បញ្ចូលជាសម្បត្តិបេតិកភណ្ឌពិភពលោកនៅថ្ងៃទី៤ ខែធ្នូ ខាងមុខនេះ

កម្ពុជា តាម​រយៈ​ក្រសួង​វប្បធម៌ និង​វិចិត្រសិល្បៈ កំពុង​រៀប​ចំ​នីតិវិធី និង​ឯកសារ​ពាក់ព័ន្ធ ដើម្បី​ស្នើ​ដាក់​ប​ញ្ជូ​ល​ក្រមា​ខ្មែរ និង​សារមន្ទីរ​ទួល​ស្លែង ចូល​ក្នុង​បញ្ជី​សម្បត្តិ​បេតិកភណ្ឌ​ពិភព​លោក​របស់​អង្គការ​យូណេស្កូ បន្ទាប់​ពី​ស្នើ​ប​ញ្ជូ​ល​ប្រាសាទ​កោះ​កេរ ទទួលជោគជ័យ​ជា​ផ្លូវការកាលពីថ្ងៃទី១៧ ខែកញ្ញា ឆ្នាំ២០២៣។

៣. នាយកវិទ្យាស្ថានពាណិជ្ជកម្មមួយក្នុងប្រទេសចិន ស្វែងរកឱកាសវិនិយោគនៅកម្ពុជា

ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញទទួលជួបពិភាក្សាការងារជាមួយគណៈប្រតិភូនៃវិទ្យាស្ថានពាណិជ្ជកម្ម ជឹង គង់ (Cheung Kong Graduate School of Business_CKGSB) ដឹកនាំដោយលោក Jiang YiFei នាយកគ្រប់គ្រងវិទ្យាស្ថាន ក្រោមការសម្របសម្រួលពីអ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា ដើម្បីស្វែងរកឱកាសវិនិយោគនៅកម្ពុជា។

៤. អបអរសាទរ! ខួប២ឆ្នាំនៃគុនល្បុក្កតោ ត្រូវបានចុះក្នុងបញ្ជីតំណាងបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ

នៅថ្ងៃទី២៩ ខែវិច្ឆិកា ឆ្នាំ២០២៤នេះ ជាខួប២ឆ្នាំនៃការដាក់បញ្ចូលគុនល្បុក្កតោ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ (២៩ វិច្ឆិកា ២០២២ - ២៩ វិច្ឆិកា ២០២៤)។

៥. ដំណឹងពិសេស! WWF បានរកឃើញសំបុកសត្វត្រយងចង្កំក ស នៅខេត្តមណ្ឌលគិរី

ក្រុមស្រាវជ្រាវ និងតាមដានជីវៈចម្រុះរបស់ WWF នៅកម្ពុជា (World Wide Fund for Nature)បានរកឃើញសំបុកសត្វត្រយងចង្កំក ស នៅខេត្តមណ្ឌលគិរី។

៦. មន្ទីរធម្មការខេត្តត្បូងឃ្មុំ បំភ្លឺពាក់ព័ន្ធនឹងករណីភិក្ខុសង្ឃ វត្តគិរីទក្ខិណារាម ប្រើអំពើហិង្សាលើ សាមណេរមួយអង្គ

មន្ទីរធម្មការនិងសាសនាខេត្តត្បូងឃ្មុំ នាថ្ងៃទី២៨ ខែវិច្ឆិកា ឆ្នាំ២០២៤ បានចេញសេចក្តីបំភ្លឺព័ត៌មានពាក់ព័ន្ធនឹងភិក្ខុសង្ឃមួយអង្គបានប្រើប្រាស់អំពើហិង្សាលើសាមណេរ ដែលគង់នៅវត្តគិរីទក្ខិណារាម ហៅ “វត្តក្បាលបឹងសេះ” កាលពីយប់ថ្ងៃទី២៧ ខែវិច្ឆិកា ឆ្នាំ២០២៤។ 

៧. ម្ចាស់ហាងទំនិញរំពឹងបំបែកកំណត់ត្រាលក់ក្នុងថ្ងៃ Black Friday

បន្ទាប់ពីបានលក់បញ្ចុះតម្លៃទៅលើមុខទំនិញជាច្រើនប្រភេទក្នុងឱកាសពិធីបុណ្យជាតិជាច្រើនសប្តាហ៍រួចមក ឥលូវនេះម្ចាស់ហាងទំនិញធំៗ និងតូចតាចនៅនៅរដ្ឋតិចសាស់ក៏បានបញ្ចុះតម្លៃលើមុខទំនិញរបស់ខ្លួនជាបន្តបន្ទាប់ នៅក្នុងថ្ងៃ Black Friday ដែលម្ចាស់ហាងលក់ទំនិញភាគច្រើនរំពឹងបំបែកកំណត់ត្រាលក់បានច្រើនជាងឆ្នាំមុនៗពីអតិថិជន។

៨. ព្យុះព្រិលដ៏ធំបំផុតនៅខែវិច្ឆិកា បានវាយប្រហារទីក្រុងសេអ៊ូល និងផ្អាកជើងហោះហើរ

យ៉ាងហោចណាស់មនុស្ស៤នាក់ ត្រូវបានគេរាយការណ៍ថាបានបាត់បង់ជីវិត ខណៈដែលប្រទេសកូរ៉េខាងត្បូងត្រូវបានវាយប្រហារដោយការធ្លាក់ព្រិលខ្លាំងកាលថ្ងៃទី ២៨ ខែវិច្ឆិកា ម្សិលមិញនេះ ខណៈដែលលក្ខខណ្ឌអាកាសធាតុដែលមិនធ្លាប់មានពីមុនមកបាននាំឱ្យមានគ្រោះថ្នាក់ចរាចរណ៍ និងរចនាសម្ព័ន្ធដួលរលំ។

៩. វីឡារបស់ម្ចាស់បទ 'Gangnam Style' ក្នុងក្រុងសេអ៊ូលត្រូវបានរឹបអូសជាបណ្តោះអាសន្ន

PSY ដែលជាក្រុម K-pop ដែលគេស្គាល់ថាជា "Gangnam Style" ថ្មីៗនេះមានវីឡាតម្លៃ ២.២ ពាន់លានវ៉ុន (១.៥៧ លានដុល្លារ) របស់គាត់នៅ Hannam-dong ទីក្រុងសេអ៊ូលត្រូវបានរឹបអូសជាបណ្តោះអាសន្នដោយសារតែការផាកពិន័យមិនបានបង់ប្រាក់សម្រាប់ការសាងសង់ដោយគ្មានការអនុញ្ញាត។

១០. អូស្ត្រាលី ​អនុម័ត​ការ​ហាមប្រាម​ប្រព័ន្ធ​ផ្សព្វផ្សាយ​សង្គម​លើ​ក្មេង​អាយុ​ក្រោម​១៦​ឆ្នាំ

ប្រទេសអូស្ត្រាលីនឹងហាមឃាត់កុមារអាយុក្រោម ១៦ឆ្នាំ ពីការប្រើប្រាស់ប្រព័ន្ធផ្សព្វផ្សាយសង្គម បន្ទាប់ពីសភារបស់ខ្លួនបានអនុម័តច្បាប់ដ៏តឹងរ៉ឹងបំផុតរបស់ពិភពលោក៕