កុមារា ម៉េង សុង​ កូនប្រុសពៅរបស់ លោកស្រី មាស ចាន់ដាលីន ម្ចាស់ប្រេន Lakamo បានធ្វើឲ្យមហាជនងាកមកចាប់អារម្មណ៍ស្ញប់ស្ញែង និងកោតសរសើរគ្រប់គ្នា ដោយនាថ្មីៗនេះ លោកស្រី មាស ចាន់ដាលីន បានបង្ហោះចែកចាយនូវវីដេអូឃ្លីបមួយបង្ហាញពីភាពឆ្លាតវៃរបស់កូនប្រុសខ្លួនក្នុងវ័យទើបតែ ៥ឆ្នាំ តែអាចចេះកាត់វីដេអូ និងបញ្ជូលសម្លេងបានយ៉ាងល្អ មានភាពភាពក្លាហាន និងគួរឲ្យក្នាញ់ ដោយគ្រប់គ្រប់គ្នាបានឃើញហើយទ្រាំមិនសរសើរមិនបានពីសមត្ថភាព និងភាពវ័យឆ្លាតរបស់ក្មេងប្រុសតូចរូបនេះ។

កូនប្រុសពៅ ម្ចាស់ប្រេន Lakamo ដោយគ្រប់គ្នាបានស្គាល់យ៉ាងច្បាស់ថាជាក្មេងប្រុសម្នាក់ដែលចេះជួយ និងយល់ពីទុកធុរៈរបស់អ្នកម្ដាយជានិច្ច មិនថាមានការលំបាក ឬរីករាយនោះទេ កុមារា ម៉េង សុង តែងតែនៅក្បែរចាំលើកទឹកចិត្តលួងលោម និងជួយការងារលើមុខជំនួញអនឡាញរបស់អ្នកម្ដាយ ឲ្យកាន់តែមានសន្ទុះនៃការគាំទ្រ ព្រមទាំងទាក់ទាញអ្នកចូលទស្សនាការ Live កាន់តែច្រើន ដោយគ្រប់គ្នាស្រលាញ់ពេញចិត្តក្នាញ់ ពីភាពក្រម៉េចក្រមើម ព្រមទាំងមានវោហាសព្ឌសម្ដីចាក់ទឹកមិនលិច ធ្វើឲ្យអ្នកទស្សនាសើចសប្បាយបំបាត់ទុក្ខកង្វល់ក្រោយបានទស្សនានូវសកម្មភាពរបស់ ម៉េង សុង។

គួរបញ្ជាក់ផងដែរថា ម្ចាស់ប្រេន Lakamo លោកស្រី មាស ចាន់ដាលីន កន្លងមកតែងតែលួចសរសើរ និងមានមោទនភាព មិននឹកស្មានថាកូនប្រុសខ្លួនវ័យទើបតែ ៥ឆ្នាំ តែអាចមានសមត្ថភាពជួយការងារខ្លួន និងជាក្មេងដែលឆ្លាតដូចមនុស្សធំបែបនេះនោះទេ៕ សម្រួលដោយ៖ Sun Darasy