ជាមួយនឹងការចុះត្រួតពិនិត្យកសិដ្ឋានចិញ្ចឹមជ្រូករបស់លោក ហេង គីមឡុង​ ក្រុមការងារបច្ចេកទេសបានណែនាំអំពីវិធីសាស្ត្រ និងបច្ចេកទេស នៃការបំបាត់ក្លិនស្អុយ និងរៀបចំការទឹកលាមកឱ្យបានត្រឹមត្រូវ​ ដោយបញ្ចៀសការហូរចូលទៅក្នុងស្រែរបស់ប្រជាពលរដ្ឋ។

ជាមួយគ្នានេះ​ ក្រុមការងារក៏បានជួបសំណះសំណាលជាមួយបងប្អូនប្រជាពលរដ្ឋ ដែលរងគ្រោះដោយសារក្លិនស្អុយ និងការហៀហូរទឹកលាមកចូលទៅក្នុងស្រែរបស់ពួកគាត់ ដោយបានធ្វើកិច្ចព្រមព្រៀងរវាងម្ចាស់កសិដ្ឋាន និងបងប្អូនប្រជាពលរដ្ឋ ហើយម្ចាស់កសិដ្ឋានក៏បានយល់ព្រមសងសំណងជាថវិកាមួយចំនួនអំពីការខូចខាតដំណាំស្រូវរបស់ប្រជាកសិករផងដែរ៕