តម្លៃស៊ុតបានឡើងដល់កម្រិតខ្ពស់បំផុត ខណៈដែលសហរដ្ឋអាមេរិកប្រឈមនឹងការផ្ទុះឡើងនៃជំងឺផ្តាសាយបក្សីដែលកំពុងបន្ត ដោយរដ្ឋាភិបាលបានចេញផ្សាយកាលពីថ្ងៃពុធថា ស៊ុតមានតម្លៃថ្លៃខ្លាំង និងពិបាករកដោយសារការផ្ទុះឡើងនៃជំងឺផ្តាសាយបក្សីបន្តកើនឡើង។

សន្ទស្សន៍តម្លៃទំនិញប្រើប្រាស់ប្រចាំខែចុងក្រោយបង្អស់បានបង្ហាញថា តម្លៃជាមធ្យមនៃស៊ុតប្រភេទ A រាប់សិបនៅក្នុងទីក្រុងនានារបស់សហរដ្ឋអាមេរិកបានឈានដល់ ៤.៩៥ដុល្លារអាម៉េរិកក្នុងខែមករា ដោយបានបំបែកកំណត់ត្រាពីមុនចំនួន ៤.៨២ដុល្លារអាម៉េរិក ដែលបានកំណត់កាលពី២ឆ្នាំមុន និងច្រើនជាងពីរដងនៃកម្រិតទាប ២.០៤ដុល្លារអាម៉េរិកដែលត្រូវបានកត់ត្រាក្នុងខែសីហា ឆ្នាំ ២០២៣។

ការកើនឡើងនៃតម្លៃស៊ុតគឺជាការកើនឡើងដ៏ធំបំផុតចាប់តាំងពីការផ្ទុះឡើងនៃជំងឺផ្តាសាយបក្សីចុងក្រោយរបស់ប្រទេសនេះនៅក្នុងឆ្នាំ២០១៥ ហើយមានចំនួនប្រហែល ២/៣ នៃការកើនឡើងតម្លៃអាហារសរុបកាលពីខែមុន នេះបើយោងតាមការិយាល័យស្ថិតិការងាររបស់សហរដ្ឋអាមេរិក។ ស៊ុតមួយប្រអប់អាចមានតម្លៃ ១០ដុល្លារអាម៉េរិក ឬច្រើនជាងនេះនៅកន្លែងខ្លះ ហើយពូជស៊ុតមាន់ឯកទេស ដូចជាស៊ុតសរីរាង្គ និងគ្មានទ្រុង មានតម្លៃថ្លៃជាង៕