ភ្នំភ្លើងមួយនៅភាគកណ្តាលប្រទេសហ្វីលីពីនបានផ្ទុះឡើងនៅព្រឹកថ្ងៃអង្គារទី ១៣ ឧសភានេះ ដោយបានបញ្ចេញផ្សែង ផេះដ៏ច្រើនសន្ធឹកសន្ធាប់ឡើងលើមេឃប្រហែល ៣ គីឡូម៉ែត្រ។

ភ្នំភ្លើង Kanlaon ដែលជាភ្នំភ្លើងសកម្មមួយក្នុងចំណោមភ្នំភ្លើងសកម្មចំនួន២៤ នៅក្នុងប្រទេសអាស៊ីអាគ្នេយ៍ បានផ្ទុះឡើងជាច្រើននៅក្នុងសតវត្សកន្លងមក ដែលជាការផ្ទុះចុងក្រោយបំផុតដែលបានកើតឡើងកាលពីខែមុន។ ការប្រកាសអាសន្នកម្រិត ៣ក្នុងចំណោមកម្រិត៦ ដែលត្រូវបានដាក់ឲ្យដំណើរការក្នុងអំឡុងពេលការផ្ទុះមួយនៅក្នុងខែធ្នូ នៅតែមិនផ្លាស់ប្តូរនៅថ្ងៃអង្គារនេះ ខណៈដែលក្រុមមន្ត្រីបានគូសបញ្ជាក់ពីការរជម្លៀសដែលមានចម្ងាយ ៦ គីឡូម៉ែត្រ។

វិទ្យាស្ថានភ្នំភ្លើង និងរញ្ជួយដីហ្វីលីពីនបាននិយាយនៅក្នុងសេចក្តីថ្លែងការណ៍មួយថា ការផ្ទុះកម្រិតមធ្យមបានកើតឡើងនៅកំពូលភ្នំភ្លើង Kanlaon នៅម៉ោង ២៖៥៥ ព្រឹកថ្ងៃនេះ ដោយបន្ថែមថាវាមានរយៈពេល ៥នាទី។ ការផ្ទុះនេះបានបង្កើតជាដុំពពកពណ៌ប្រផេះដែលបានកើនឡើងប្រហែល ៣ គីឡូម៉ែត្រ មុនពេលរសាត់ទៅភាគខាងលិច ។ ដោយបញ្ជាក់ពីការបន្តការជូនដំណឹងកម្រិត៣ ទីភ្នាក់ងារបានព្រមានថាមានឱកាសកើនឡើងនៃការផ្ទុះកម្រិតមធ្យមក្នុងរយៈពេលខ្លីដែលអាចបង្កើតគ្រោះថ្នាក់ភ្នំភ្លើងដែលគំរាមកំហែងដល់អាយុជីវិតផងដែរ៕