បណ្ដាអ្នកគាំទ្រ ពិសេសមិត្តយុវវ័យដែលនិយមតាមដានទស្សនា VEESA - The Creator បានសម្តែងអារមុ្មណ៍សោកស្ដាយ ខណៈបានទស្សនាវិដេអូចុងក្រោយរបស់ VEESA ប្រកាសបិទរំលាយក្រុមជាផ្លូវការ ក្រោយបង្កើតបានរយៈពេលជាង ៥ឆ្នាំ ពោល​គឺចាប់ពីថ្ងៃទី២៥ ខែធ្នូ ២០១៩ ដល់ថ្ងៃទី ១៥​ខែឧសភា ឆ្នាំ២០២៥ ក្រោមមូលហេតុ២យ៉ាង គឺដោយសារតែ VEESA មិនអាចផ្តល់ឱកាសការងារ ឬជំរុញនិងដោះស្រាយបញ្ហាចំពោះអ្នកផលិតមាតិកាបានបន្តទៀត និងទី២ ពុំមានលទ្ធភាពគ្រប់គ្រាន់ក្នុងការចំំនាយផ្សេងៗ។

ដោយដំណឹងនេះបានធ្វើឲ្យសមាជិកក្នុងក្រុមគ្រួសារ VEESA មានការសោកស្ដាយនិយាយរៀបរាប់ពីអនុស្សាវរីយ៍ទាំងទឹកភ្នែក ព្រមទាំងគោរពដឹងគុណចំពោះ លោក ហេង វិសាល លោក ហេង វាសនា និងលោក ហ្វូ ដែលបានបង្ហាត់បង្រៀនពួកគាត់ឲ្យមានចំណេះដឹងភាពរីកចម្រើនក្នុងវិស័យ Content Creator នេះ បន្តទៀតសមាជិកក្រុមទាំងអស់នឹងបន្តដំណើរទៅមុខរៀងៗខ្លួន ចាប់យកក្ដីស្រម៉ៃបង្កើតមាតិកាថ្មីៗដោយផ្ទាល់ខ្លួនជាធម្មតា។

គួរបញ្ជាក់ផងដែរថា VEESA - The Creator បានបង្កើតឡើងក្នុងគោលបំណងជួយបង្ហាត់បង្រៀនជំរុញលើកទឹកចិត្ត​ដល់អ្នកស្រលាញ់វិស័យផលិតមាតិកាឲ្យមានឱកាសការងារ ក៏ដូចជាចំណេះជំនាញថ្មីៗភាពក្លាហាន ចាប់យកក្ដីស្រម៉ៃផងដែរ៕ សម្រួលដោយ៖ Sun Darasy