លោក បូរ ភ័កត្រា ចាងហ្វាងទូរទស្សន៍អនឡាញរំដួលធីវី (Rumduol TV) និងជាអ្នកស្ម័គ្រចិត្តរបស់កាកបាទក្រហមកម្ពុជា ជួយសម្រាលការលំបាកដល់អ្នកងាយរងគ្រោះនៅតាមតំបន់ឆ្ងាយដាច់ស្រយាល បានបង្ហាញរូបថត Pre-Wedding យ៉ាងផ្អែមល្ហែមជាមួយអនាគតភរិយាដ៏ស្រស់សោភា នៅមុខប្រាសាទអង្គរវត្ត ក្នុងឈុតប្រពៃណីយ៉ាងស្រស់ស្អាត ដែលមហាជនឃើញហើយបានសម្ដែងអារម្មណ៍រំភើប និងចូលរួមអបអរសាទរ ដែលពិធីករពូកែវោហារូបនេះបានរកឃើញគូជីវិតដ៏សាកសម ដោយមួយរយៈពេលចុងក្រោយនេះយើងសង្គេតឃើញថា លោកបូរ ភ័កត្រា បានបើកបង្ហាញមុខគូស្នេហ៍ជាផ្លូវការ និងតែងតែបង្ហាញរូបភាពដំណើរកម្សាន្តរួមគ្នាជាហូរហែរ។

ក្នុងនោះ​ ពិធីកររូបនេះ ក៏បានបង្ហាញពីរូបភាពស្អាតៗក្នុងឈុត Pre-Wedding អមជាមួយសំណេរយ៉ាងផ្អែមល្ហែមថា៖ «គ្មាននរណាល្អគ្រប់ដប់ទេ​ ប៉ុន្ដែបេីចាប់ដៃគ្នាជាគូអនាគតហេីយ​ យេីងត្រូវចេះបំពេញចំនុចខ្វះខាតគ្នាទៅវិញទៅមក»។

ក្រោយពីបានឃើញបែបនេះហើយ ក៏មានមហាជនអ្នកគាំទ្រជាច្រើនបានចូលទៅស៊ែរចែករំលែកបន្តពេញបណ្ដាញសង្គម ព្រមទាំងចូលទៅខមិនអបអរសាទរជូនពរលោកឲ្យមានសុភមង្គលពេញមួយជីវិត បន្ថែមពីនេះក៏មានអ្នកខ្លះទៀតបានលើកសរសើរពីរូបសម្រស់គូរដណ្ដឹងរបស់ លោក បូរ ភ័កត្រា ថាពិតជាស្រស់ស្អាតបែបធម្មជាតិសុភាពរាបសារ ពិតជាសាកសមបំផុតសម្រាប់ពិធីករដ៏ឆ្នើមដែលជាទីពេញចិត្តរបស់មហាជនផងដែរ៕ អត្ថបទដោយ៖ Sun Darasy