នារីម្នាក់បានបង្ហោះសារមួយក្នុងបណ្ដាញសង្គម ដោយបានចែករំលែកបទពិសោធ៍ និងដាស់តឿនដល់អ្នកនិយមចូលចិត្តទទួលទានគ្រឿងកំប៉ុង និងមីកញ្ចប់ ឲ្យមានការប្រុងប្រយ័ត្នខ្ពស់ ខណៈប្អូនប្រុសជីដូនមួយបង្កើតរបស់នាងតែងតែទទួលបានមីកញ្ចប់ និងគ្រឿងកំប៉ុងច្រើនពេក ឥឡូវយុវជនរូបនោះបានដុះដុំសាច់នៅក្នុងពោះវៀន ដោយសារតែអាហារទាំងនេះ តាមរយៈសារមួយនេះបានបង្ហាញពីរូបថតមានសភាពខុសគ្នាខ្លាំង ដោយយុវជនរូបនេះមានសភាពស្គមស្គាំងខ្លាំងមើលសឹងតែមិនស្គាល់ ធ្វើឲ្យគ្រប់គ្នាបានឃើញហើយសម្ដែងក្ដីអាណិតនិងស្រណោះគ្រប់គ្នា។

នេះបើយោងការបង្ហោះរបស់គណនីFacebook មួយមាន ឈ្មោះ Nüt Nüt បានបញ្ជាក់បែបនេះថា៖ «សារនេះផ្លាំទៅបងប្អូនថា ! កុំចូលចិត្តហូបមី ហូបគ្រឿងកំប៉ុងច្រើនពេកវាធ្វើអោយប៉ះពាល់ដល់ពោះវៀនយើងណាស់ ដូចជា ធ្វើអោយបត់ជើងមិនកើត ចុកចាប់ពេញពោះ ស្អិតពោះវៀន មានទាំងដុះដុំសាច់នៅក្នុងពោះវៀនធំទៀត ដុំសាច់របស់ប្អូនជិត ១kg ជាក់ស្តែងប្អូនប្រុសជីដូនមួយបង្កើតខ្ញុំនេះហើយអីឡូវកំពុងធ្វើទុក្ខខ្លាំងណាស់ (កំសត់តាំងពីតូចរហូតដល់ធំ)»។

ក្រោយពីបានឃើញនូវសំណេរនេះ ហើយមហាជនជាច្រើនបានចូលទៅស៊ែរចែករំលែកបន្ត និងបានជូនពរដល់ប្អូនប្រុសរូបនេះឆាប់ជាសះស្បើយផងដែរ៕