ជើងហោះហើរត្រង់រវាងក្រុង Wuxi ប្រទេសចិន និងក្រុងព្រះសីហនុ ត្រូវបានតភ្ជាប់ឡើងវិញ ដោយCambodia Airports and Sihanoukville international Airport ជាមួយក្រុមហ៊ុនអាកាសចរណ៍ចិន Ruili។

ជើងហោះហើរត្រង់តភ្ជាប់ឡើងវិញនៅថ្ងៃទី១៨ ខែឧសភា ឆ្នាំ២០២៥ ជាជំហានសំខាន់មួយសម្រាប់វិស័យទេសចរណ៍ និងសេដ្ឋកិច្ចរបស់ប្រទេស ជាក់ស្តែងការតភ្ជាប់ជើងហោះហើរត្រង់នេះ ក៏នឹងអាចបំពេញតម្រូវការកាន់តែច្រើនសម្រាប់អ្នកដំណើរជាធុរជន និងទេសចរជាដើម។

ឯកអគ្គរដ្ឋទូតចិនប្រចាំកម្ពុជា លោក Wang Wenbin បានលើកឡើងថា ជើងហោះហើរត្រង់រវាងទីក្រុងWuxi និងខេត្តព្រះសីហនុ ត្រូវបានចាប់ផ្តើមឡើងវិញនៅថ្ងៃទី១៨ ខែឧសភា ដោយក្រុមហ៊ុនអាកាសចរណ៍ចិន Ruili ដែលជើងហោះហើរត្រង់នេះអាចបំពេញតម្រូវការជាច្រើនសម្រាប់អ្នកដំណើរ ដូចជាការធ្វើដំណើរធ្វើអាជីវកម្មជាដើម។

គួរឲ្យដឹងដែរថា ជើងហោះហើរនេះមានអ្នកដំណើរចំនួន ១៣១នាក់ និងអ្នកដំណើរធុរកិច្ចចំនួន ៨ នាក់ ពីទីក្រុងអ៊ូស៊ី ប្រទេសចិន មកកាន់ខេត្តព្រះសីហនុ ប្រទេសកម្ពុជា ជាមួយយន្តហោះប្រភេទ B737-800 ខណៈជើងហោះហើរថ្មីនេះគឺជាជំហានសំខាន់មួយក្នុងការបង្កើនការតភ្ជាប់ផ្លូវអាកាសរវាងប្រទេសចិន និងកម្ពុជា៕