កងកម្លាំងអង្គភាព CMAC បានចុះអនុវត្តភារកិច្ច រាវរក និងបោសសម្អាតធានាសុវត្ថិភាព នៅតំបន់កើតហេតុផ្ទុះគ្រាប់មីនតោន ស្ថិតក្នុង តំបន់អូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ កាលពីថ្ងៃទី ១៦ ខែមិថុនា ឆ្នាំ២០២៥។

ជាលទ្ធផល រកឃើញគ្រាប់មីនតោនបន្ថែមចំនួន ៣គ្រាប់នៅក្នុងតំបន់ទីតាំងកើតហេតុនោះ។ បន្ថែមពីនេះ កាលពីថ្ងៃ ១០ មិថុនា ២០២៥ កម្លាំងជំនាញ CMAC ក៏បានចុះបោសសម្អាតធានាសុវត្ថិភាពក្នុងករណីផ្ទុះមីនតោននៅខេត្តប៉ៃលិន និងរកឃើញគ្រាប់មីនតោនចំនួន ៣គ្រាប់ ដូចគ្នា។

គួរបញ្ជាក់ផងដែរថា គ្រាប់មីនតោន គឺជាគ្រោះថ្នាក់ដ៏ធ្ងន់ធ្ងរដល់ជីវិត និងសុវត្ថិភាពសាធារណជន។ ហេតុនេះហើយអង្គភាពCMAC នៅតែបន្តអំពាវនាវដល់ប្រជាពលរដ្ឋជៀសវាងនឹងវត្ថុបង្កសង្ស័យ និងជូនដំណឹងភ្លាមៗទៅកាន់អាជ្ញាធរមូលដ្ឋាន ឬក្រុមឆ្លើយតបរហ័សរបស់ CMACផងដែរ៕