ជនជាតិអាហ្វហ្គានីស្ថាន សរុបចំនួន ២៦៩នាក់ ដែលត្រូវបានឃុំខ្លួននៅក្នុងពន្ធនាគាររបស់ប្រទេសប៉ាគីស្ថាន ត្រូវបានដោះលែង និងធ្វើមាតុភូមិនិវត្តន៍ទៅកាន់ប្រទេសកំណើតអាហ្វហ្គានីស្ថានវិញ កាលពីថ្ងៃព្រហស្បតិ៍ ម៉ោងនៅក្នុងស្រុក។ នេះបើតាមការចេញផ្សាយរបស់សារព័ត៌មានក្នុងស្រុក Tolonews នៅថ្ងៃសុក្រ ទី២០ ខែមិថុនា ឆ្នាំ២០២៥នេះ។ប្រព័ន្ធផ្សព្វផ្សាយឯកជន បានបញ្ជាក់ថា «អតីតអ្នកទោសរួមទាំងស្ត្រី និងកុមារ ដែលត្រូវបានឃុំខ្លួនរយៈពេល ៣ខែនៅក្នុងពន្ធនាគារផ្សេងៗគ្នានៅក្នុងប្រទេសប៉ាគីស្ថានត្រូវបានប្រគល់ទៅឱ្យអាជ្ញាធរអាហ្វហ្គានីស្ថានវិញនៅចំណុចឆ្លងកាត់Torkham»។គួរបញ្ជាក់ផងដែរថា ប្រទេសប៉ាគីស្ថាន បានដោះលែងអ្នកទោសអាហ្វហ្គានីស្ថាន រាប់រយនាក់ក្នុងរយៈពេលប្រាំមួយខែកន្លងមកនេះ។ ទីក្រុងអ៊ីស្លាម៉ាបាដ ក៏បានស្នើសុំជនភៀសខ្លួនអាហ្វហ្គានីស្ថាន ដោយគ្មានឯកសារធ្វើដំណើរស្របច្បាប់ឱ្យចាកចេញពីប្រទេសជិតខាងផងដែរ៕