១. សម្តេចតេជោ ហ៊ុន សែន៖ ថៃនៅតែចិញ្ចឹមចិត្ត និងមហិច្ចតាចង់បានទឹកដីកម្ពុជា

សម្តេចតេជោ ហ៊ុន សែន បានលើកឡើងថា អ្នកនយោបាយជ្រុលនិយមថៃ ស៊ិនធិ លឹមថងគុល បាននិយាយយ៉ាងច្បាស់ៗថា ប្រសិនបើគាត់ឈ្នះឆ្នោតដឹកនាំប្រទេសមានអំណាចពេញដៃ នឹងលើកកងទ័ពវាយប្រហារចូលទឹកដីកម្ពុជា ដោយយកខេត្តមួយចំនួនរបស់កម្ពុជាដូចជា បាត់ដំបង សៀមរាប បន្ទាយមានជ័យ ព្រះវិហារ និងកោះគុជ ហើយអាចរហូតដល់រាជធានីភ្នំពេញទៀតផង។

២.ក្រសួងសុខាភិបាល ប្រកាសដាក់ឱ្យអនុវត្តន៏ផែនការយុទ្ធសាស្ត្រជាតិ ស្តីពីការការពារ និងគ្រប់គ្រងការលង់ទឹក

ដោយមើលឃើញនៅអត្រាគ្រោះថ្នាក់ និងការបាត់បង់អាយុះជីវិតកុមារដោយសារការលង់ទឹក ក្រសួងសុខាភិបាលបានអនុម័តនូវផែនការយុទ្ធសាស្ត្រជាតិស្តីពីការការពារ និងគ្រប់គ្រងការលង់ទឹកក្រោមការឧបត្ថម្ភគាំទ្រទាំងបច្ចេកទេស និងថវិកាពីការអង្គការសុខភាពពិភពលោក និងអង្គការចលនាដើម្បីសុខភាពកម្ពុជា។

៣. កម្ពុជាកំពុងក្តោបក្តាប់ម្ចាស់ដំណែងចំណាត់ថ្នាក់លេខ១លើតារាងមេដាយ ដោយអត្តពលិកកម្ពុជាឈ្នះមេដាយសរុប ៨៧គ្រឿង

គណៈកម្មការរៀបចំការប្រកួតកីឡាតេក្វាន់ដូ ITF ជើងឯកអាស៊ីអាគ្នេយ៍ លើកទី២ ឆ្នាំ២០២៥ នៅកម្ពុជាបានប្រារព្ធពិធីបំពាក់មេដាយជាផ្លូវការ សម្រាប់វិញ្ញាសាចំនួន២២ ដែលបានបញ្ចប់ការប្រកួត ខណៈមកទល់និងពេលនេះម្ចាស់ផ្ទះកម្ពុជា ដណ្ដើមបានមេដាយសរុប ៨៧គ្រឿងច្រើនជាងគេ ក្នុងនោះមានមេដាយមាស ៤២គ្រឿង ប្រាក់៣៩គ្រឿង និងសំរិទ្ធ ៦គ្រឿង ។

៤. ប្រទេសកាណាដាលុបចោលពន្ធលើសេវាកម្មឌីជីថល ដើម្បីជំរុញកិច្ចពិភាក្សាពាណិជ្ជកម្មជាមួយសហរដ្ឋអាមេរិកដែលជាប់គាំង

ប្រទេសកាណាដាបានលុបចោលពន្ធលើសេវាកម្មឌីជីថលរបស់ខ្លួនដែលផ្តោតលើក្រុមហ៊ុនបច្ចេកវិទ្យារបស់សហរដ្ឋអាមេរិកកាលពីល្ងាចថ្ងៃអាទិត្យប៉ុន្មានម៉ោងមុនពេលវាចូលជាធរមាន ក្នុងគោលបំណងជំរុញការចរចាពាណិជ្ជកម្មដែលជាប់គាំងជាមួយសហរដ្ឋអាមេរិក។

៥. គ្រោះរញ្ជួយដីកម្រិត ៥.៣រ៉ិចទ័រ វាយប្រហារភាគកណ្តាលប៉ាគីស្ថាន តែពុំមានអ្នកស្លាប់ និងរបួសឡើយ

នេះបើយោងតាមការស្ទង់មតិភូមិសាស្ត្រសហរដ្ឋអាមេរិក គ្រោះរញ្ជួយដីកម្រិត៥.៣រ៉ិចទ័របានវាយប្រហារកណ្តាលប្រទេសប៉ាគីស្ថានកាលពីព្រឹកថ្ងៃអាទិត្យ ។ ហេតុការណ៍នេះបានកើតឡើងប្រហែលម៉ោង ៣៖៣០នាទីព្រឹកម៉ោងក្នុងស្រុក ជាមួយនឹងចំណុចកណ្តាលប្រហែល ៦០ គីឡូម៉ែត្រភាគខាងជើងនៃទីក្រុង Barkhan ដែលជាទីក្រុងនៅក្នុងខេត្ត Balochistan ភ្នំនៃប្រទេសប៉ាគីស្ថាន ដោយមិនមានរបាយការណ៍ភ្លាមៗអំពីអ្នកស្លាប់ ឬការខូចខាតធ្ងន់ធ្ងរនោះទេ ។

៦. ទឹកជំនន់ និងភ្លៀងធ្លាក់ខ្លាំងនៅប៉ាគីស្ថាន សម្លាប់មនុស្សយ៉ាងហោចណាស់ ៤៥នាក់ ក្នុងរយៈពេលតែប៉ុន្មានថ្ងៃ

មន្ត្រីគ្រប់គ្រងគ្រោះមហន្តរាយបាននិយាយថា ភ្លៀងធ្លាក់ខ្លាំង និងទឹកជំនន់ភ្លាមៗនៅទូទាំងប្រទេសប៉ាគីស្ថានបានសម្លាប់មនុស្ស ៤៥ នាក់ក្នុងនោះមានកុមារ ១២ នាក់ចាប់តាំងពីការចាប់ផ្តើមនៃខ្យល់មូសុងក្នុងសប្តាហ៍នេះ។

៧. កក្រើកពេញបណ្ដាញសង្គម! តារាភេទទី៣ ម៉ែវ៉ែប ដឹកដៃគូស្នេហ៍រូបសង្ហាចូលរោងជ័យយ៉ាងមានក្ដីសុខ

តារាកំប្លែងភេទទី៣ ម៉ែវ៉ែប បានដឹកដៃគូស្នេហ៍ចូលរោងជ័យកក្រើកពេញបណ្ដាញសង្គម ដោយមានមហាជននិងមិត្តរួមអាជីពសិល្បៈជាច្រើនបានចូលរួមអបអរសាទរ និងសម្ដែងអារម្មណ៍រំភើប ដោយតារាភេទទី៣រូបនេះ បានរកឃើញគូស្នេហ៍រូបសង្ហាអាចចាប់ដៃគ្នាសាងអនាគតគ្រួសាររួមគ្នា។

៨. ទោះបីមមាញឹកការងារ លោក G-Devith និងភរិយា ឆ្លៀតពេលផ្ដល់កម្លាំងចិត្តដល់កងទ័ពកម្ពុជា នៅតំបន់មុំបី

តារាចម្រៀងឯករាជ្រ លោក G-Devith និងអ្នកនាង ទេព បូព្រឹក្ស បានឆ្លៀតពេលពីការងារសិល្បៈនាំយកនៅគ្រឿងឧបភោគបរិភោគ ព្រមទាំងសម្ភារៈមួយចំនួន ជូនដល់កងទ័ពកម្ពុជានៅតំបន់មុំ៣ ក្រោយទើបតែបានដកឃ្លាពីការងារសិល្បៈ និងមុខជំនួញអនឡាញ ដែលកំពុងតែមានសន្ទុះទីផ្សារខ្លាំង តែតារាទាំង២រូបនេះ មិនដែលភ្លេចសោះឡើយនៅការចែករំលែក និងផ្ដល់ជាកំម្លាំងចិត្ត ក៏ដូចជាបានទទួលទានអាហាររួមគ្នាជាមួយបងៗកងទ័ពជួរមុខ ដើម្បីឲ្យមានភាពស្និតស្នាលបង្ហាញពីការសាមគ្គីភាពដ៏កក់ក្ដៅក្នុងនាមជាខ្មែរតែមួយ។

​៩. តារា​សម្តែងហុងកុងលោក Chow Yun Fat នឹង​ទទួល​ពាន​រង្វាន់ Star Awards ២០២៥ នាសប្តាហ៍ទី១ខែក្រោយនេះ

លោក Chow Yun Fat ដែលជាតួសម្តែងរឿងភាគហុងកុងនឹងមានវត្តមាននៅក្នុងកម្មវិធី Star Awards នៅឆ្នាំនេះនៅថ្ងៃទី ៦ ខែកក្កដា ក្នុងនាមជាអ្នកឈ្នះពានរង្វាន់សម្រាប់ខួបលើកទី ៣០ នៃព្រឹត្តិការណ៍ប្រចាំឆ្នាំ។ លោក Chow បានដើរតួរជាតួឯកក្នុងភាពយន្តជាង១០០ ហើយជាតារាភាពយន្តដ៏សំខាន់មួយរូប ដែលអាចផ្លាស់ប្តូរ និងបត់បែនតាមប្រភេទភាពយន្តជាមួយនឹងរឿងបុរាណជាសកលដូចជា A Better Tomorrow (១៩៨៦) និង Crouching Tiger Hidden Dragon (២០០០) ជាដើម។

១០. កងពលតូចថ្មើរជើងលេខ៤២ បន្តចាត់តាំងកម្លាំងចេញល្បាតសហការណ៍ត្រួតពិនិត្យ ក្នុងភូមិសាស្រ្តទទួលខុសត្រូវ

ក្រោមការដឹកនាំរបស់ឧត្ដមសេនីយ៍ត្រី នាក់ វង្ស មេបញ្ជាការកងពលតូចថ្មើរជើងលេខ៤២ យោធភូមិភាគទី៤ បានដាក់ចេញនូវបទបញ្ជាយ៉ាងតឹងរ៉ឹង ទៅគ្រប់បណ្ដាកងឯកភាពវរសេនាតូចចំណុះ ជាពិសេសកម្លាំងដែលឈរជើងនៅតាមខ្សែបន្ទាត់ព្រំដែន៕