អាជ្ញាធរឥណ្ឌូណេស៊ីបាននិយាយកាលពីថ្ងៃអង្គារ (ថ្ងៃទី ០៤ ខែវិច្ឆិកា) ថា មនុស្ស ១៥ នាក់ ភាគច្រើនជាកុមារបានស្លាប់ បន្ទាប់ពីត្រូវបានទឹកហូរកួចយកទៅឆ្ងាយ ខណៈពេលកំពុងឆ្លងកាត់ទន្លេមួយនៅតំបន់ Papua ភាគខាងកើត។​ នៅក្នុងភូមិក្បែរនោះ កុមារចំនួន ៨ នាក់ទៀតកំពុងបាត់ខ្លួនបន្ទាប់ពីទឹកជំនន់ស្រដៀងគ្នានេះ ហើយក្រុមជួយសង្គ្រោះកំពុងស្វែងរកពួកគេ។

ហេតុការណ៍នេះបានកើតឡើងនៅថ្ងៃសៅរ៍នៅក្នុងភូមិដាច់ស្រយាល Dal ក្នុងតំបន់ Nduga ជាកន្លែងដែលភ្លៀងធ្លាក់ខ្លាំងបានធ្វើឱ្យទន្លេហូរចូល និងបានបោកបក់មនុស្ស ១៥ នាក់ដែលមានអាយុចន្លោះពី ៨ទៅ ១៧ ឆ្នាំទៅឆ្ងាយ។ បើយោងតាមអាជ្ញាធរក្នុងតំបន់ មានតែសពម្នាក់ប៉ុណ្ណោះដែលត្រូវបានរកឃើញរហូតមកដល់ពេលនេះ ហើយជនរងគ្រោះ ១៤ នាក់នៅតែបាត់ខ្លួន។

ក្រុមជួយសង្គ្រោះប្រឈមមុខនឹងការងារដ៏លំបាកមួយ ពីព្រោះតំបន់ទឹកជំនន់នេះនៅដាច់ស្រយាលខ្លាំង និងហ៊ុំព័ទ្ធដោយភ្នំ។ ពួកគេត្រូវការឧទ្ធម្ភាគចក្រ ឬការឡើងភ្នំយូរដើម្បីទៅដល់កន្លែងនោះ ហើយតំបន់នេះមានហានិភ័យសន្តិសុខដោយសារតែជម្លោះ។ អាជ្ញាធរកំពុងព្រមានប្រជាជននៅជិតទន្លេឱ្យផ្លាស់ទៅកន្លែងខ្ពស់ និងត្រៀមខ្លួនសម្រាប់ភ្លៀងធ្លាក់បន្ថែមទៀតក្នុងរដូវវស្សា ដែលមានរយៈពេលពីខែវិច្ឆិកាដល់ខែមេសានៅប្រទេសឥណ្ឌូណេស៊ី៕