មន្ត្រីនគរបាលមកពីនាយកដ្ឋានបង្ក្រាបបទល្មើសសេដ្ឋកិច្ចកាលពីថ្ងៃពុធបានចាប់ខ្លួន Rybena Intachai ដែលគេស្គាល់ថា Nana Rybena ជាតារាសម្តែងថៃអាយុ ៤៥ ឆ្នាំ ពីបទក្លែងបន្លំ និងរំលោភលើក្រឹត្យបន្ទាន់ស្តីពីការផ្តល់ប្រាក់កម្ចី ទាក់ទងនឹងការផ្តល់ប្រាក់កម្ចីសាធារណៈក្លែងក្លាយ។ មន្ត្រីនគរបាលប្រឆាំងបទល្មើសសេដ្ឋកិច្ចបានចាប់ខ្លួនតារាសម្តែង Nana Rybena នៅផ្ទះរបស់នាងនៅ Phra Khanong ពីបទក្លែងបន្លំ និងផ្តល់ប្រាក់កម្ចីខុសច្បាប់ បន្ទាប់ពីជនរងគ្រោះជាច្រើនបានដាក់ពាក្យបណ្តឹង។

ពាក្យចចាមអារ៉ាមនៅលើបណ្តាញសង្គមបានចាប់ផ្តើមនៅក្នុងខែវិច្ឆិកា ឆ្នាំ ២០២៥ នៅលើទំព័រហ្វេសប៊ុកមួយបានអះអាងថា តារាសម្តែងល្បីម្នាក់បានបោកបញ្ឆោតមិត្តភក្តិក្នុងវិស័យសិល្បៈឱ្យផ្តល់ប្រាក់ជាង ៤០០ លានបាតដល់នាងសម្រាប់ការវិនិយោគ និងប្រាក់កម្ចីដែលនាងមិនដែលសងវិញ។ ដំបូងឡើយ Nana បានបដិសេធ ប៉ុន្តែក្រោយមកបានបញ្ជាក់ក្នុងអំឡុងពេលផ្សាយផ្ទាល់នៅលើ Instagram ថា នាងបានខ្ចីប្រាក់ពីមិត្តភក្តិ និងអ្នកដទៃដើម្បីបើកអាជីវកម្មដូចជាហាងកាត់សក់ និងសម្លៀកបំពាក់កុមារ ហើយវាបានបរាជ័យ។ នាងបានសុំទោសទាំងទឹកភ្នែកសន្យាថានឹងសងបំណុលអោយអស់ ដោយនាងនឹងលក់ផ្ទះរបស់នាងក្នុងតម្លៃ ៦៩ លានបាត និងការលក់ផលិតផលជារៀងរាល់ថ្ងៃ។ នាងបាននបន្ថែមថា ស្វាមីរបស់នាង គឺតារាចម្រៀងរ៉េប Prinya Way Intachai មិនជាប់ពាក់ព័ន្ធនោះទេ។

ជនរងគ្រោះ​ម្នាក់ៗ​បាន​ខាតបង់ប្រាក់​ចាប់ពី​រាប់សិប​លាន​បាត ដោយពួកគេ​បាន​ព្យាយាម​ដោះស្រាយ​ជា​ឯកជន​ប៉ុន្តែ​មិន​បាន​សម្រេច ដូច្នេះ​ពួកគេ​បាន​ផ្តល់​ភស្តុតាង​ដល់​ប៉ូលិសដើម្បីចាត់វិធានការតាមផ្លូវច្បាប់ ។ Nana ​បាន​សុំ​ពេលវេលា​ដើម្បី​ដោះស្រាយ​បញ្ហា​មុន​ពេល​ចាប់ខ្លួន ប៉ុន្តែ​ប៉ូលិស​បាន​បដិសេធសំណើររបស់នាង៕