មហាព្រឹត្តិការណ៍ផ្ទាំងទស្សនីយភាពវប្បធម៌ខ្មែរ«ខ្លឹមនៃព្រះនគរ»របស់អ្នកនាង ទេព បូព្រឹក្ស និង លោក G Devith នៅថ្ងៃទី១១ ខែមករា ឆ្នាំ២០២៦ នៅសាលមហោស្រពកោះពេជ្រ ទទួលបានសន្ទុះនៃការគាំទ្រខ្លាំងមានអ្នកចូលរួមយ៉ាងច្រើនកុះករ ជាពិសេសក៏មានវត្តមានបណ្ដាអ្នកសិល្បៈ ក៏ដូចជាអ្នកជំនួញអនឡាញល្បីៗជាច្រើនអញ្ជើញចូលរួម មិនតែប៉ុណ្ណោះថែមទាំងមាននាំមកនៅឈុតសំលៀកបំពាក់យ៉ាងស្រស់ស្អាតបែបសហសម័យក្នុងអត្ថន័យជួយផ្សព្វផ្សាយពីឈុតសំលៀកបំពាក់ខ្មែរថែមទៀតផង។

ដោយព្រឹត្តិការណ៍នេះ អ្នកនាង ទេព បូព្រឹក្ស និង លោក G Devith រៀបចំធ្វើឡើងក្នុងគោលបំណងដើម្បីរំលឹក និងលើកតម្កើងសម្បត្តិវប្បធម៌ជាតិ ដែលជាសញ្ញាមួយនៃការកសាងអត្តសញ្ញាណជាតិអោយកាន់តែរឹងមាំថែមមួយកំរឹតទៀត សម្បត្តិវប្បធម៌ដែលជាដួងព្រលឹងជាតិគឺត្រូវបានយកចិត្តទុកដាក់ថែរក្សាជាមួយនឹងសកម្មភាពយ៉ាងសកម្មអំពីពួកយើងដែលជាកូនចៅនៃព្រះចៅក្រុងកម្ពុជា ហេតុដូច្នេះហើយទើបតារាចម្រៀផងគូនេះព្យាយាមនាំយកនៅផ្ទាំងទស្សនីយវប្បធម៌ខ្មែរដ៏អស្ចារ្យដើម្បីបង្ហាញក្នុងកម្មវិធី។

សូមបញ្ជាក់ផងដែរចំពោះថវិកាដែលបានពីការលក់សំបុត្រទាំងអស់ អ្នកនាង ទេព បូព្រឹក្ស និង លោក G Devith នឹងប្រគល់ជូនទៅកាន់មូលនិធិ Brand Miss ដើម្បីជួយដល់វីរកងទ័ពដ៏អង់អាចរបស់យើងផងដែរ៕ អត្ថបទដោយ៖ Sun Darasy