ក្រោយផ្ទុះការប្រតិកម្មខ្លាំងពេញបណ្ដាញសង្គមនៅវីដេអូឃ្លីប អ្នកសារព័ត៌មានដ៏ល្បី លោក ទេព ប៉ុន ប្រលែងលេងជាមួយក្មួយក្នុងន័យលេងសើច តែក៏ត្រូវបានបណ្ដាអ្នកលេងបណ្ដាញផ្ទុះការចែករំលែករិះគន់វាយប្រហារដូចទឹកបាក់ទំនប់ដោយសារតែគ្រប់គ្នាគិតថាកុមារក្នុងវីដេអូនោះជាក្មេងស្រី។

តែយ៉ាងណាមិញក្រោយឃើញនូវមតិវែកញែករិះគន់ច្រើន លោក ទេព ប៉ុន ក៏បានចេញវីដេអូបកស្រាយ និងសុំទោសជាសាធារណៈ ដោយក្នុងនោះលោកបានបញ្ជាក់ថាលោកជាមនុស្សស្រលាញ់ក្មេង ចំពោះកុមារដែលលោកប្រលែងលេងក្នុងវីដេអូនោះជាក្មេងប្រុសទេសូមបងប្អូនកុំយល់ច្រឡំ ហើយលោកក៏មិននឹកស្មានថាវីដេអូដែលបានលេងសើចនេះត្រូវបានចែកចាយក្នុងបណ្ដាញសង្គមនោះដែរ តែទោះជាយ៉ាងណាលោកក៏ទទួលស្គាល់នូវកំហុសថាលេងបែបនេះអាចមានចំំណុចខុសឆ្គង និងលើសលួស បេីកំហុសឆ្គងត្រង់ណាសុំខន្តីអភ័យទោស។

ក្រោយពីបានឃើញការបកស្រាយបែបនេះហើយ បណ្ដាអ្នកគាំទ្របើកចិត្តទទួលយកនៅការបកស្រាយ តែទោះជាយ៉ាងណាក្នុងនោះក៏តែមានមតិមហាជនមួយចំនួននៅតែចូលខមិនវាយប្រហារផងដែរ៕ អត្ថបទដោយ៖ Sun Darasy