ស្រុកសូទ្រនិគម, ខេត្តសៀមរាប៖ ស្រ្តី២នាក់បានស្លាប់ភ្លាមៗនៅកន្លែងកើតហេតុ បន្ទាប់ពីប្អូនប្រុសបង្កើតរបស់ស្ត្រីរងគ្រោះ ប្រើកាំបិតបុ័ងតោ កាប់សម្លាប់ បន្ទាប់ពីមានទំនាស់រឿងដីធ្លីបន្តិចបន្តួច។

តាមព័ត៌មានបឋម បានឲ្យដឹងថា ហេតុការណ៍នេះបានកើតមានឡើងកាលពីល្ងាចថ្ងៃទី២០ ខែមេសា ឆ្នាំ២០១៩ នៅភូមិដំរីកូន ឃុំពពេល ស្រុកសូទ្រនិគម ខេត្តសៀមរាប ។ ស្រ្តីរងគ្រោះទី១ មានឈ្មោះ ខុត និងស្រ្តីទី២ ឈ្មោះខែម ។

ចំណែកជនដៃដល់មានឈ្មោះ វ៉ុន ជាប្អូនបង្កើតរបស់ស្ត្រីរងគ្រោះទាំង២នាក់។
អធិការនគរបាលស្រុកសូទ្រនិគម លោកទេព ចាន់ណា បានឲ្យដឹងថា សមត្ថកិច្ចបានចាប់ខ្លួនជនសង្ស័យបានហើយ ប៉ុន្តែចំពោះព័ត៌មានលម្អិតនោះ លោកមិនទាន់អាចបកស្រាយបានទេ៕
ជា ស្រស់, ខេង ឧត្តម