គួរឲ្យសរសើរក្រុមគ្រួសាររបស់ លោក ព្រាប សុវត្ថិ មិនថាឡើយអ្នកក្នុងស្រុកនិងក្រៅស្រុកស្រលាញ់និងគាំទ្រ លោក សុវត្ថិ មុនីវណ្ណ និងក្រុមគ្រួសារទទួលរាក់ទាក់យ៉ាងកក់ក្តៅ។ បច្ចុប្បន្ននេះប្រិយមិត្តបានដឹងមកហើយថាក្រុមគ្រួសាររបស់លោកកំពុងតែសម្តែងនៅសហរដ្ឋអាមេរិក។

កាលពីថ្មីៗ លោក សុវត្ថិ មុនីវណ្ណ បានបកស្រាយច្រៀងចម្រៀងមរតកដើមមួយបទយ៉ាងពីរោះខ្លាំងគួរឲ្យចាប់អារម្មណ៍គួបផ្សំនឹងកាយវិការស្នាមញញឹមរបស់លោកធ្វើឲ្យអ្នកគាំទ្រនៅទីនោះនាំគ្នាចោមរោមថតនិងស្រែកគាំទ្រយ៉ាងខ្លាំងទៅកាន់លោក។

យ៉ាងណាមិញលោកគឺជាកូនប្រុសច្បងក្នុងគ្រួសារចំពោះប្រជាប្រិយភាពវិញក៏មិនចាញ់ទៅនឹងឪពុករបស់ខ្លួនទេ។ ភាគច្រើនអ្នកគាំទ្ររបស់លោកសុទ្ធតែជាអ្នកគាំទ្រស្រលាញ់លោកចេញពីចិត្តតែម្តងរហូតដល់មានអ្នកគាំទ្របានយំព្រោះលោកត្រូវចេញទៅសម្តែងសហរដ្ឋអាមេរិចក្នុងរយៈពេលយូរ៕

អត្ថបទដោយ៖ ឃុន យ៉ា