Viseth
· 2019-04-26
Lukaku បង្ហើបក្ដីស្រមៃចង់ទៅលេងនៅក្របខ័ណ្ឌ Serie A
0
ខ្សែប្រយុទ្ធ Romelu Lukaku របស់ Manchester United បានបង្ហើបថារូបគេមានក្ដីស្រមៃទៅលេងនៅក្របខ័ណ្ឌ Serie A នៅដំណាក់កាលណាមួយក្នុងអាជីពរបស់ខ្លួន។ នេះបើយោងតាមប្រភពពីសារព័ត៌មាន BBC។
ទោះបែបនេះកីឡាករវ័យ២៥ឆ្នាំថានឹងសាកល្បងខ្លួនឯងទៅលេងក្នុងប្រទេសអ៊ីតាលីប៉ុន្តែយ៉ាងណា Lukaku ថាពេលនេះរូបគេគិតតែពីអនាគតនៅ Old Trafford ប៉ុណ្ណោះ។លោកបន្តថា“ការទៅលេងនៅ Serie A គឺជាក្ដីស្រមៃ។វាអាចនឹងស្ថិតក្នុងក្ដីស្រមៃពិតប្រាកដ។ខ្ញុំសង្ឃឹមថានឹងអាចទៅលេងក្នុងពេលឆប់ៗនេះឬយូរជាងនេះក៏មិនដឹងទោះបីជាខ្ញុំពេលនេះផ្ដោតទៅលើតែ Man Utd ក៏ដោយ”។
គួរបញ្ជាក់ថា ខ្សែប្រយុទ្ធជម្រើសជាតិបែលហ្សិករូបនេះបានចាកចេញពីស្រុកកំណើតមកប្រកបអាជីពនៅអង់គ្លេសកាលឆ្នាំ២០១១ហើយធ្លាប់លេងនៅ Chelsea និង Evertonនិងក៏ធ្លាប់លេងខ្ចីជើងនៅក្លិប West Brom Albion មុនពេលផ្ទេរមក Man Utd កាលពីឆ្នាំ២០១៧ និងរកបានគ្រាប់បាល់១៥គ្រាប់គ្រប់ពានរង្វាន់ឲ្យបិសាចក្រហមនៅរដូវកាលនេះ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)