កាលពីថ្ងៃទី៤ខែឧសភា សារព័ត៌មាន យ៉ុនហាប់របស់កូរ៉េខាងត្បូង បានផ្សាយថា កូរ៉េខាងជើង បានបាញ់សាកល្បងកាំជ្រួចមីស៊ីល មួយដើមរយៈចម្ងាយខ្លី ដោយបាញ់ចេញពីទីតាំង នៅក្នុងខេត្ត Gangwon ស្ថិតនៅភាគអាគ្នេយ៍នៃប្រទេសនេះ។

សារព័ត៌មាន Yonhap បានដកស្រងសម្តីមេបញ្ជាការកម្លាំងទាហាន JCS របស់កូរ៉េខាងត្បូង បានបញ្ជាក់ថា កូរ៉េខាងជើងពិតជាបានបាញ់មីស៊ីល នៅវេលាម៉ោង ៩និង ៦នាទីព្រឹកថ្ងៃទី៤ខែឧសភា ( ម៉ោង ក្នុងតំបន់) ។ កាំជ្រួចមីស៊ីលខាងលើ បានហោះហើរឆ្ពោះទៅកាន់ទិសខាងកើត ។ នៅពេលនេះដែរអាមេរិកនិងកូរ៉េខាងត្បូង កំពុងតែវិភាគទៅលើមីស៊ីលដែលកូរ៉េខាងជើង បានបាញ់ ជាប្រភេទអ្វីមានសមត្ថភាពខ្លាំងប៉ុណ្ណា។

នេះជាលើកទីមួយហើយក្នុងរយៈពេល ១ឆ្នាំកន្លងមកដែល កូរ៉េខាងជើង បានបាញ់សាកល្បងមីស៊ីល ខណៈដែលភាពតានតឹងនៅក្នុងតំបន់ឧបទ្វីប មានភាពល្អប្រសើរឡើង ក្នុងរយៈពេលប៉ុន្មានឆ្នាំចុងក្រោយនេះ។ ប៉ុន្តែក្រោយកិច្ចពិភាក្សាជាមួយអាមេរិកលើកទីពីរមិនទទួលបានជោគជ័យ មេដឹកនាំគីមជុងអ៊ុន បានឲ្យដំណើរការឡើងវិញ នៅក្នុងវិធីមីស៊ីល ហើយបានបាញ់សាកល្បង ជាថ្មី ៕