ខាងក្រោមនេះយើងខ្ញុំនឹងបង្ហាញអ្នកពីវិធីក្នុងការជួយអ្នកមិនឲ្យងងុយគេងក្រោយពេលដែលពិសារបាយរួច។ តើមានអ្វីខ្លះទៅ?

១. នៅពេលដែលអ្នកបរិភោគបាយ អ្នកមិនគួរញ៉ាំឆ្អែតពេកទេ ព្រោះបើឆ្អែតពេក អាចធ្វើឲ្យអ្នកងងុយគេងភ្លាមក្រោយបរិភោគបាយរួច។ ជាពិសេស អ្នកគួរតែញ៉ាំអាហារដែលមានជាតិស្ករទាប ទើបមិនធ្វើឲ្យអ្នកងងុយគេង។

២. មុនពេលដែលអ្នកពិសារបាយ អ្នកគួរតែញ៉ាំទឹកចំនួនកន្លះកែវ ហើយទំពារឲ្យម៉ត់ និងយឺតៗ ទើបធ្វើឲ្យក្រពះអ្នករំលាយអាហារបានល្អ។ នៅពេលដែលអ្នកធ្វើបែបនេះ អ្នកនឹងមិនពិសារអាហារច្រើនហួសកម្រិតឡើយ។

៣. ចុងក្រោយ អ្នកគួរតែដកដង្ហើមវែងៗ ហើយធ្វើចលនាខ្លះ ទើបអាចកាត់បន្ថយការងងុយគេងរបស់អ្នក។ ប៉ុន្តែបើអ្នកមិនអាចទប់អារម្មណ៍ងងុយគេងនេះទេ អ្នកអាចគេងកន្លះម៉ោងបាន ដើម្បីបំបាត់ការងងុយគេងរបស់អ្នក។ ដូចនេះ អ្នកអាចប្រើវិធីទាំងនេះ ដើម្បីធ្វើឲ្យអ្នកនៅតែស្វាងក្រោយពេលដែលបរិភោគបាយរួច៕