ការប្រគួតបាលទាត់ពិភពលោក ឆ្នាំ២០២២នេះ និងមាន៤៨ក្រុមចូលរួមប្រគួតវគ្គផ្តាច់ព្រ័ត ដែលរៀបចំឡើងនៅក្នុងប្រទេសកាតានិងគុយវែត ។ នៅពេលនេះប្រធាន FIFA លោក Gianni Infantino បានសម្រេចជ្រើសរើស គុយវែត ធ្វើជាម្ចាស់ផ្ទះរួមជាមួយ កាតា។

តាំងពីពាក់កណ្តាលខែមេសាមកទល់ពេលនេះ លោក Gianni Infantino ខិតខំពិភាក្សាដើម្បីជំរុញឲ្យការប្រគួតបាល់ទាត់ពិភពលោកឆ្នាំ២០២២(World Cup 2022)នៅប្រទេសកាតា មាន៤៨ប្រទេសចូលរួម។ លោកបានពិភាក្សាដោយផ្ទាល់ជាមួយប្រទេសគុយវែតដើម្បីរៀបចំ ។

ប្រទេសកាតាតែមួយមិនអាច ទទួលធ្វើជាម្ចាស់ផ្ទះបានឡើយសម្រាប់៤៨ ក្រុម ដោយទទួលបានតែ៣២ក្រុមប៉ុណ្ណោះ ។ កន្លងមកមានកិច្ចពិភាក្សា តែប្រទេស អ៊ូម៉ង់ បានដកខ្លួនចេញនៅសល់តែគុយវែតប៉ុណ្ណោះ ជាប្រទេសជិតខាងហើយក៏បានយល់ព្រមទទួល ការប្រគួតនៅពហុកីឡដ្ឋានចំនួនពីរ ។

ការប្រគួតបាល់ទាត់ពិភពលោកនឹងចាប់ផ្តើមនៅ ថ្ងៃទី ២១ខែវិច្ឆិកា ដល់ថ្ងៃទី១៨ខែធ្នូឆ្នាំ២០២២។ ប៉ុន្តែការសម្រេចយក៤៨ក្រុមឡើងវគ្គផ្តាច់ព្រ័ត្រនឹងត្រូវសម្រេច នៅក្នុងមហាសន្និបាត ហ្វីហ្វា នាថ្ងៃទី៥ខែមថុនាខាងមុខ ។

ប្រសិនបើ ចំនួនក្រុមចូលរួម មាន៤៨នោះ ទ្វីបអាស៊ី នឹងមានកៅអីទៅចូលរួមដល់ទៅ ៨,៥ កៅអី ក្នុងនោះមាន៨ ក្រុមឡើងទៅវគ្គផ្តាច់ព្រ័ត្រដោយស្វ័យប្រវត្តិនិង កន្លះកៅអីទៀត ត្រូវប្រគួត Flay off ជាមួយតំបន់ផ្សេង ៕